Æвзæрстытæ хъуамæ ацæуой нывыл уагыл

0
117

 

Знон Цæгат Ирыстон-Аланийы Центрон æвзарæн къамисы уæнгтæн уыд радон æмбырд. Амыдта йæ къамисы сæрдар МОРГУАТЫ Жаннæ. Æмбырд райдыдта æхсызгон хабарæй. Уæрæсейы Федерацийы Центрон æвзарæн къамисы уынаффæмæ гæсгæ Уæрæсейы Федерацийы æвзæрстытæ хорзæй ацæуыныл зæрдиагæй чи бацархайдта, уыдонæн лæвæрд æрцыд хæрзиуджытæ. Уæрæсейы Федерацийы Центрон æвзарæн къамисы кадджын нысан «Æвзæрстытæ хорз ацæуыны æнтыстыты тыххæй» лæвæрд æрцыд Алагиры районы территорион æвзарæн къамисы сæрдар ÆГЪУЫЗАРТЫ Валери æмæ Кировы районы территорион æвзарæн къамисы сæрдар НÆКУЫСАТЫ Фатимæйæн.

Уæрæсейы Федерацийы Центрон æвзарæн къамисы Кады грамотæтæй хорзæхджын æрцыдысты республикæйы Центрон æвзарæн къамисы консультант Дзалаты Светланæ, ЦÆКъ-ы сæйраг специалист-эксперт Сусаннæ Барсегян, Алагиры районы территорион æвзарæн къамисы секретарь Бутаты Аслан, Мæздæджы районы территорион æвзарæн къамисы секретарь Людмилæ Драчева, Центрон æвзарæн къамисы аппараты пъланон-финансон хайады хицау Хъарданты Зæлинæ, Рахизфарсы районы территорион æвзарæн къамисы сæрдар Плиты Людмилæ, Дзæуджыхъæуы Галиуфарсы хайы территорион æвзарæн къамисы сæрдар Рубайты Татьянæ, Центрон æвзарæн къамисы уæнгтæ Цгъойты Светланæ æмæ Цыдаты Батрадз. Уæрæсейы Федерацийы хæрзиуджытæ æмæ ма ноджы бирæ алыхуызон арфæйы писмотæ æмæ æндæр хорзæхтæ æвзæрстыты сæрæндзинад равдисджытæн дидинджытæ æмæ арфæйы ныхæстимæ радта РЦИ-Аланийы Сæргълæууæджы æмæ РЦИ-Аланийы Хицауады Администрацийы разамонæг Челæхсаты Рустем.

Центрон æвзарæн къамисы ма æркастысты сентябры æвзæрстытæм цæттæ кæныны фæдыл дæс фарстамæ. Уыдоны фæдыл бæстон раныхас кодтой Центрон æвзарæн къамисы сæрдары хæдивæг Хъуыдакаты Сослæнбег æмæ ЦÆКъ-ы секретарь Ольгæ Маркова. Центрон æвзарæн къамисы уæнгтæ Алагиры районы территорион æвзарæн къамисы уæнгæй хъуыддагыл ахадгæ хъæлæсы бартимæ сфидар кодтой Калоты Еленæйы. ЦÆКъ-ы уæнгтæ байхъуыстой æмæ хорзыл банымадтой, Æрæфы æмæ Алагиры территорион æвзарæн къамистæ сентябры æвзæрстытæм цæттæ кæныны фæдыл цы ахсджиаг куыстытæ бакодтой, уыдон. Республикæйы Центрон æвзарæн къамисæн абон фембæлд уыдзæн политикон партиты республикон хайæдты æмæ мидхъуыддæгты оргæнты минæвæрттимæ. Уым бæлвырдæй æрныхас кæндзысты, цæмæй æвзæрстытæ æнæ фыдбылыз æнæ барадхæлд, сыгъдæг æмæ æнæхъæлæбайæ ацæуой, уый фæдыл сæ æмхуызонæй цавæр мадзæлттæ саразын хъæуы, уыдоны фæдыл. Æвзæрстытæ цæмæй нывыл ацæуой, уый æрмæст Центрон æвзарæн къамисмæ нæ хауы, фæлæ æппæт æхсæнадон организацитæ, политикон партитæ æмæ республикæйы æппæт цæрджытæм дæр.

КАСАТЫ Батрадз

ОСТАВЬТЕ ОТВЕТ

Please enter your comment!
Please enter your name here