Арфæ Куыдзиаты Мырзабеджы фырт Муратæн

0
50

 

 

Нæ зынаргъ, нæ уарзон Мурат, фарн дæм бадзурæд, дзæвгар азты Мыхуыры хæдзары типографи «Рухс»-ы директорæй фæкуыстай. Адæм дæ тынг уарзтой, де ‘мкусджытæн уыдтæ кадджын, кæддæриддæр, нымад, раззагдæртæй. Дæ фæлмæн ныхас, дæ куырыхон зондамындтытæ, чи дæ зыдта æмæ кæимæ куыстай бирæ азты, уыдоны зæрдыл абон дæр дзæбæхæй лæууынц æмæ сæ æрымысынц. Æвæдза, куыд хорз у æнæхин æмæ рæстудæй цæрын адæмы ‘хсæн.

Мурат, æвæццæгæн æмæ, ахæм егъау куыстуатæн разамонæг уæвын æнцон нæ уыд, царды фæзилæнты бирæ ивддзинæдтæ кæй цыд уæды рæстæджы мыхуыры фæрæзты, уый тыххæй. Ды, куыд дæсны профессионал, бæрнон бынаты кусæг, æхсæв-бон нæ хынцгæйæ, архайдтай, цæмæй куыст нывыл цæуа, адæм æрвылбондæр истаиккой ногæй-ногдæр газеттæ æмæ журналтæ. Ивгъуыды тæхæг уæвгæйæ, уый фæстæ полиграфийы къабазы дæсны зонæг æмæ хъæппæрисджын кусæг, алкæй дæр æмбæрстай.

Мурат, ды уыдтæ æмæ дæ газет «Рæстдзинад»-ы хæлар. Арфæйагæй, рæсугъдæй фæцæр! Дæ 85 азы юбилейы номæн стыр арфæтæ айс дæ уарзон газет «Рæстдзинад»-ы кусджытæй. Адæмы фарнæй хайджынæй дæ кæстæрты хуртæй бафсæд! Царды хæрзтæ æнæкæрон бирæ сты, æмæ сæ дæ бинонтимæ хайджын у. Æнæнизæй, уæнгтæрогæй де ‘нусы сæрты акæс!

 Газет «Рæстдзинад»-ы кусджытæ

 

ОСТАВЬТЕ ОТВЕТ

Please enter your comment!
Please enter your name here