22 август — Уæрæсейы Паддзахадон тырысайы бон

0
152

 

 

 

Республикæ Цæгат Ирыстон-Аланийы зынаргъ цæрджытæ! Мæ хорз æмбæстæгтæ!

Арфæ уын кæнын Уæрæсейы Федерацийы Паддзахадон тырысайы боны фæдыл.

1991 азы августы УФ-йы Паддзахадон тырысайы хуызы официалон уагæй цы æртæхуызон тырыса ист æрцыд, уымæн ис æртæфондзыссæдзазон истори. Фыццагдæр уый фæзынд 17-18 æнусты арæны, Уæрæсе хъомысджын паддзахад куы ссис, уыцы æндидзæн дуджы. Дард 1705 азы йæ йæ Указæй сфидар кодта паддзах Петр I. Указмæ гæсгæ «кæцыфæнды базарадон науты» дæр-иу хæрдмæ систой урс, æрвхуыз, сырх тырыса.

Æмæ абон, Уæрæсейы ногдæр историйы ныр дæс æмæ ссæдз азы чысыл хъуагæй фæйлауы бæстæйы сæрмæ æмæ ногæй ссис Паддзахадон тырыса. Махæй алчидæр сæрыстыр у ацы тырысайæ, кæм райгуырдыстæм, кæм фæллой кæнæм æмæ кæм цæрæм, уыцы стыр бирæнацион Фыдыбæстæмæ кæй хауы, уый тыххæй.

Урс, æрвхуыз, сырх тырысайы алы хуыз дæр нысан кæны уæрæсейаг паддзахаддзинады æмбарынæдтæ: урс — сæрибардзинад, æрвхуыз — æууæнк, сырх — паддзахаддзинад æмæ амонынц не стырдзинад, бирææнусон хъæбатыр истори кæмæн ис, уыцы бæстæйы нысаниуæг. Уый та æмыдзаг у цаутæ æмæ нæмттæй, кæцытæ дзурæг сты не стыр намыс æмæ не стыр Райгуырæн бæстæйыл.

Уæдæ уæм нæ Фыдыбæстæйы аккаг хъуыддæгтæй, сгуыхтдзинæдтæй, тырнындзинæдтæй. Цæсгомджынæй кусын, рæзгæ фæлтæры раст хъомыл кæнын, нæ адæмы хуыздæр традицитæ хъахъхъæнын æмæ æндæртæ сты нæ сæйраг хæстæ. Хъуамæ ма уæм мæнгпатриоттæ, цæмæй фылдæр саразын нæ къухы бафта нæ чысыл Райгуырæн бæстæ — Ирыстонæн æмæ æппæт Стыр Уæрæсейæн.

Паддзахадон тырыса, бæстæйы Гимн æмæ Гербимæ та сты нæ зæрдæдаргæ уарт, Зæххы къорийы кæцыфæнды къуымы дæр нæ бон сæрыстырæй зæгъын вæййы: «Æз дæн уæрæсейаг».

Бæрæгбоны хорзæх дæ уæд, Цæгат Ирыстон, Паддзахадон тырысайы бонтæ дыл фæрнæй цæуæнт!

БИТАРТЫ Вячеслав, Республикæ Цæгат ИрыстонАланийы Сæргълæууæг

 

Ирыстоны зынаргъ цæрджытæ!

Уæрæсейы Федерацийы Паддзахадон тырысайы боны фæдыл уын арфæ кæнын!

Ацы бон дзурæг у, паддзахадон нысанæн нæ бæстæйы историйы стыр ахадындзинад кæй ис, национ хæзнайæн стыр кад кæй кæнæм, æмæ нæ бæстæйы цæрæг алы адæймаг дæр фæлтæрты фидар бастдзинады æвдисæнæй сæрыстыр кæй у, ууыл. Нæ тырысайы уынæм, Уæрæсейы фæрныгадыл кæй наукон, фæллойадон, культурон æмæ спортивон æнтыстдзинæдты фæрцы æфты, нæ уыцы хъæбатырты, Фыдыбæстæйæн, йæ хъомысыл ын æфтаугæйæ, кад чи кæны, уыцы цаутæ, Уæрæсейы Федерацийы адæмты чи иу кæны, ахæм æвæджиауы хæзна æмæ сæрыстырдзинад.

Ныртæккæ урс-æрвхуыз-сырх тырысайы бын фыссæм бæстæйы ног истори, æмæ, рæстæджы æппæт фæзындтытæн аккаг дзуаппытæ дæтгæйæ, мах — ирыстойнæгтæ — уæрæсейаг паддзахады рæзтмæ аккаг æвæрæн хæссæм.

Зынаргъ æмзæххонтæ! Патриотизмы æнкъарæнтæй чи фидауы, уадз æмæ ацы æвæджиауы бæрæгбон сымахæй алкæмæн дæр нымад уа ахæм фидар уавæры æвдисæныл. Цытджын паддзахадыл нымад чи у, мах цæрæм æмæ кусæм ахæм бæстæйы, æмæ фидæны фæлтæртæ дæр хъуамæ дзурой: «Фыдыбæстæйыл æнувыд кæй стæм, уый нын хъару дæтты. Афтæ уыд, афтæ у æмæ афтæ кæддæриддæр уыдзæн!». Нæ хæс у æппæт гæнæнтæй ууыл бацархайын.

Алексей МАЧНЕВ, Республикæ Цæгат ИрыстонАланийы Парламенты Сæрдар

 

 

 

ОСТАВЬТЕ ОТВЕТ

Please enter your comment!
Please enter your name here