30 азы фæстæ та — ногæй Дзæуджыхъæумæ

0
91

 

Курскы А.С.Пушкины номыл драмон театры актертæ гастрольты æрбацæудзысты Дзæуджыхъæумæ. 1 сентябры курскæгтæ Евгений Вахтанговы номыл Уырыссаг академион драмон театры сценæйыл равдисдзысты спектакль «Дикарь»

Уазджытæ нæ республикæйы аивадуарзджытæн бацæттæ кодтой спектакльтæ «Номер 13» æмæ «Ктуба», сывæллæттæ æхсызгонæй фендзысты Гæды Леопольды. Фæстаг хатт курскæгтæ Дзæуджыхъæуы гастролон балцы уыдысты 30 азæй фылдæры размæ.

— Уыцы балц ныр дæр ма хъуыды кæнын. Спектакльтæ æвдыстам канд театры сценæйыл нæ, фæлæ ногдзауты лагерьты æмæ хохаг хъæуты дæр. Цыдыстæм тæссаг хохаг къахвæндæгтыл. Бынæй — æрх, уæлейы та — къæдзæхтæ. Ахæм уавæртыл ахуыр нæ уыдыстæм. Фæстæдæр ауындзгæ фæндагыл Эльбрусы хохмæ цыдыстæм, — мысы Уæрæсейы сгуыхт артист, курскаг театры актер Виктор Зорькин. Уыцы гастролон балц ахаста чысыл хъуагæй мæй, ныр та курскæгтæ Цæгат Ирыстоны фæуыдзысты бæлвырд къаддæр рæстæг — фæстаг спектакль Уырыссаг театры сценæйыл ахъаздзысты 7 сентябры. 14 сентябры та Цæгат Ирыстоны Е. Вахтанговы номыл уырыссаг академион драмон театр уазæгуаты æрбацæудзæн Курскмæ.

 

ОСТАВЬТЕ ОТВЕТ

Please enter your comment!
Please enter your name here