Байгом туристонинформацион центр

0
139

 

Знон кадджын уавæры РЦИ-Аланийы Национ музейы цур байгом туристон-информацион центр. Йæ куысты хæстæ æмæ нысантæ сты, нæ республикæмæ чи цæуа, уыцы туристтæ æмæ уазджыты, музейы мидисджындæр экспонаттимæ, Ирыстоны зæрдылдарæн бынæттимæ, нæ адæмы культурæимæ, традицитимæ, æгъдæуттимæ зонгæ кæнын. Уазджыты нæ республикæйы зæрдылдарæн бынæтты историимæ зонгæ кæндзысты, центры чи куса, уыцы экскурсоводтæ æмæ гидтæ.

Кадджын æмбырды архайдтой РЦИ-Аланийы Хицауады Сæрдар Тускъаты Таймураз, РЦИ-Аланийы Хицауады Сæрдары хæдивæг Сæбæтхъуаты Æхсарбег, РЦИ-Аланийы культурæйы министр Милдзыхты Руслан, Национ музейы директор Къубалты Валери.

— Æхсызгон хабар у, нæ республикæйы Национ музейы цур ахæм информацион центр кæй байгом, уый. Йæ фæрцы фадат уыдзæн нæ республикæйы историон бынæттæм фылдæр туристты æргом аздахынæн. Уыдон нæ республикæйы æрдзон бынæттæм куы цæуой, сæ фæллад куы уадзой, æмæ ма нæ адæмы историимæ уыцы-иу рæстæг куы зонгæ кæной, уæд уый хъуамæ хорзæй фæзына Цæгат Ирыстоны социалонэкономикон рæзтыл дæр, стæй нæ кад фæбæрзонддæр уыдзæн Уæрæсейы æмæ дунейы цæрæг адæмты ‘хсæн. Мæ зæрдæ дарын, нæ фыдæлтæй нæм цы хæзнатæ æрхæццæ, уыдон адæмы рæгъмæ хорзæй хаст кæй æрцæудзысты æмæ туристтæ зæрдиагдæрæй кæй цæудзысты Ирыстоны æрдзон цымыдисаг бынæттæм, — загъта Тускъаты Таймураз.

Туристон центры куысты æмæ хæсты нысанты тыххæй радзырдта РЦИ-Аланийы Туризмы комитеты сæрдары хæстæ рæстæгмæ æххæстгæнæг Гæбуты Ольгæ.

Уый фæстæ уазджытæ æрзылдысты Национ музейы экспозицион залтыл. Æмæ федтой, цалцæджы фæстæ йæ гæнæнтæ кæй фæхуыздæр сты, уый.

Туристон-информацион центр гом кæныны кадджын æмбырды рæстæг сæ аивад равдыстой Культурæйы республикон колледжы аивадон къордтæ.

 

ГАСАНТЫ Валерии

 

ОСТАВЬТЕ ОТВЕТ

Please enter your comment!
Please enter your name here