Александр Матовников арфæ ракодта  Дагестаны æмæ Мæхъæлы ногæвзæрст Сæргълæуджытæн

0
56
Флаг России. Российский флаг, флаг Российской Федерации - flag of Russia

Хъæлæс кæныны æппæтуæрæсеон бон 9 сентябры Мæхъæлы Республикæйы адæмон æмбырдæн уыд радон рабадт. Куысты фæткмæ дзы цы фарста рахастой, уый баст уыд Мæхъæлы Республикæйы сæргълæууæг равзарынимæ. Æмбырды архайдта Уæрæсейы Федерацийы Президенты æххæстбарджын минæвар Цæгат Кавказы федералон зылды Александр Матовников. 17-æм августы зындгонд куыд уыд, афтæмæй Мæхъæлы Республикæйы адæмон æмбырды депутатты размæ йе сфидар кæныны тыххæй Уæрæсейы Федерацийы Президент Владимир Путин рахаста Мæхъæлы Республикæйы адæмон æмбырды комитеты сæрдары хæдивæг Ильяс Богатыревы, Мæхъæлы Республикæйы сæргълæууæг Юнус-Бек Евкуровы æмæ горæт Назраны муниципалон сконды советы депутат Урусхан Евлоевы кандидатурæтæ.

Регламент куыд амоны, афтæ Мæхъæлы Республикæйы адæмон советы цур бавдыстой æппæт кандидатты дæр. Уыдон раныхас кодтой сæрмагонд ныстуантимæ регионы закъонæвæрынадон оргæнты минæвæрттæм æмæ регионы цæрджытæм. Сусæг хъæлæсы фæрцы 30 хъæлæсгæнæгæй 26 сæ хъæлæстæ радтой Мæхъæлы Республикæйы ныры сæргълæууæг Юнус-Бек Евкуровæн.

Æрæджы уыд Мæхъæлы Республикæйы ног æвзæрст сæргълæууæджы инаугураци. Цæгат Кавказы федералон зылды Уæрæсейы Федерацийы Президенты æххæстбарджын минæвар Александр Матовников Юнус-Бек Евкуровæн арфæ ракодта Уæрæсейы Президент Владимир Путины номæй æмæ йын бузныг загъта йе ууæнкæн ын аккаг дзуапп кæй радта, æмæ йыл республикæйы адæмон æмбырды депутаттæ кæй баууæндыдысты, стæй йын йæ амæйразмæйы архайдæн аккаг аргъ кæй скодтой, уый тыххæй.

— Амæйразмæ азты Мæхъæлы Республикæйы сæргълæууæджы бынаты куы уыдтæ, уæддæр дæ къухы чысыл саразын нæ бафтыд. Федералон хицаудзинады оргæнтимæ æнгомæй æмгуыст гæнгæйæ, царды уагъд æрцыд Мæхъæлы Республикæйы 2010-2016 азтæн социалон-экономикон рæзты нысанмæ арæзт программæ. Ацы программæмæ гæсгæ куыст цыд инвестицион проектыл дæр. Уыдон хъуамæ сахадой 2025 азмæ Цæгат Кавказы федералон зылды рæзтыл – бахахх кодта президенты æххæстбарджын минæвар.

Юнус-Бек Евкуровы Мæхъæлы Республикæйы сæргълæууæгæй ногæй кæй равзæрстой, уый фæдыл инаугурацийы ма архайдтой Цæгат Кавказы регионтæ æмæ Уæрæсейы крайты æмæ горæтты сæргълæуджытæ.

Æвзæрстыты æппæтуæрæсеон бонмæ сусæг хъæлæсы фæрцы Дагестаны адæмон æмбырды депутаттæ равзæрстой республикæйы ног сæргълæууæгæй Владимир Васильевы. Схъæлæс ыл кодта æдæппæтæй 77 депутаты.

Дагестаны ног сæргълæууæгæн арфæ ракодта Цæгат Кавказы федералон зылды Уæрæсейы Федерацийы Президенты æххæстбарджын минæвар Александр Матовников, бузныг загъта республикæйы адæмон æмбырды депутаттæн ахæм бæрнон хæс кадджынæй кæй сæххæст кодтой, уый тыххæй. Владимир Васильевæн та йæ арфæйы ныхасы уый загъта: Дагестаны цæрджытæ равзæрстой ногдзинады æмæ ды цы разамонæг къорд æрбамбырд кодтай дæ алыварс, уыдонæн æххуыс кæныны фæндаг. Разамонæджы бынæттæм республикæйы цы адæм архайдтой, уыдоны фæрцы рабæрæг Дагестаны кæй ис зондджын, дардмæуынаг разамонæджы бынаты бæрнон хæстæ æххæст кæнынмæ цæттæ адæм. Зæрдæ уын æвæрын мæхæдæг æмæ уын федералон хицаудзинады оргæнтæ кæй æххуыс кæндзысты, уымæй. Депутаттæй та курын, цæмæй республикæйы ног сæргълæууæгæн йæ бæрнон хæстæ æххæст кæнынмæ политикон цæстæнгастæ нæ нымайгæйæ, динон кæнонтыл не ’нцайгæйæ, алывæрсыг æххуыс кæныныл архайой, — загъта Александр Матовников.

 

 

ОСТАВЬТЕ ОТВЕТ

Please enter your comment!
Please enter your name here