Æнæхин æмæ рæстагæй

0
14

 

 

Ивгъуыд хуыцаубон, 9 сентябры, Цæгат Ирыстон-Аланийы адæм æвзæрстой депутаттæ бынæттон хиуынаффæйады оргæнтæм Æрæфы районы, стæй хъæуты депутаттæм Алагиры, Кировы æмæ Горæтгæрон районты (æдæппæт 120 депутаты), фæстаг æртæ районы ма æвзæрстой 8 хъæуы администрацийы сæргълæуджыты

Депутаттæ дæр æмæ хъæуты администрациты сæргълæуджытæ дæр æв- зæрст æрцыдысты. Æвзæрстыты архайдтой 8 политикон партийы æмæ 299 кандидаты. Уыцы бон хъæлæс кæнынмæ æрбацыдысты æвзарджыты 60 проценты.

Æрæфы районы минæвæртты æмбырдмæ æвзæрстыты хъæлæс кæныны архайдтой 62,70 проценты æвзарджытæ. Политикон парти «Иугонд Уæрæсе»-йæ депутаттæм чи бацыд, уыдо- ныл схъæлæс кодтой 52,03 проценты, «Уæрæсейы Патриоттыл» — 18, 75 проценты, КПРФ-ы депутаттыл 12,44 проценты, парти «Родина»-йы депутаттыл — 7,49 проценты, КПКР-ы депутаттыл 1.10 проценты, политикон парти «Рæстаг Уæрæсе»-йы депутаттыл 6,74 проценты.

Æрæфы районы муниципалон арæзты минæвæртты æмбырдмæ æвзæрстыты политикон партитæй фылдæр мандаттæ райста “Иугонд Уæрæсе”, йæ номхыгъды Хидирты Алиханы фырт Батрадз фыццаг кæй у, уымæ гæсгæ суыдзæн районы сæргълæууæг.

Цыколайы хъæуы минæвæртты æмбырдмæ уæлæмхасæн æвзæрстыты иу мандатон 8-æм зылды депутатæй «Иугонд Уæрæсе»-йæ 52,88 проценты хъæлæстæ райсгæйæ, æвзæрст æрцыд Зекъеты Тасолтаны фырт Таймураз.

Иу мандатон 11-æм зылды «Иугонд Уæрæсе»-йæ 71,03 проценты хъæлæстæ райсгæйæ, депутатæй æвзæрст æрцыд Моргуаты Мæирбеджы фырт Рамазан.

Алагиры районы Дзуарыхъæуы сæргълæууæгæй 72,79 хъæлæсимæ парти «Иугонд Уæрæсе»-йæ æвзæрст æрцыд Кцойты Измаилы фырт Артур. Зæрæмæджы хъæуы цы 7 депутаты сæвзæрстой, уыдонæй æхсæзæй уыдысты парти «Иугонд Уæрæсе»-йæ, иу та — парти «Родина»-йæ.

Горæтгæрон районы Дæргъæвсы хъæуы администрацийы сæргълæууæгæй парти «Иугонд Уæрæсе»-йæ 42,64 проценты хъæлæстимæ æвзæрст æрцыд Бæдтиаты Майрæмы фырт Владимир. Куырттаты хъæуы минæвæртты æмбырды уæлæмхасæн æвзæрстыты 10-æм иу мандатон зылды «Иугонд Уæрæ- се»-йæ 57,36 хъæлæсимæ æвзæрст æрцыд Яндиев Хасан Микаилы фырт, иумандатон 5-æм зылды та «Иугонд Уæрæсе»-йæ 61,58 проценты хъæлæстимæ депутат сси Цакъоты Агуыбейы фырт Алан.

Кировы районы Елхоты хъæуы минæвæртты Æмбырдмæ цы 15 депутаты сæвзæрстой, уыдонæй 13 сты парти «Иугонд Уæрæ- се»-йæ, иу — КПРФ-æй, иу та — парти «Альянс Зеленых»-æй.

Ставд-Дурты хъæуы минæвæртты æмбырдмæ цы 9 депутаты сæвзæрстой, уыдонæй аст сты парти «Иугонд Уæрæсе»-йæ, иу депутат та — КПРФ-æй.

Ставд-Дурты хъæуы сæргълæууæгæй æвзæрст æрцыд хихъæппæрисæй бацæуæг Уаниты Георгийы фырт Хъазыбег, уый æрæмбырд кодта хъæлæсты 35,84 проценты.

Даргъ-Къохы хъæуы минæвæртты æмбырдмæ цы 10 депутаты сæвзæрстой, уыдонæй 6 сты парти «Иугонд Уæрæсе»-йæ, 1 — ЛДПР-æй, 2 — политикон парти «Родина»-йæ, 1 депутат та бацыд йæхи хъæппæрисæй.

Даргъ-Къохы хъæуы сæргълæууæгæй 51,82 хъæлæсы æрæмбырдгæнгæйæ, æвзæрст æрцыд парти «Иугонд Уæрæсе»-йы минæвар Дыгуры Таймуразы фырт Зелим.

Комсомольскы хъæуы минæвæртты æмбырдмæ цы 11 депутаты сæвзæрстой, уыдонæй дæс сты «Иугонд Уæрæсе»-йæ, иу та — политикон парти «Родина»-йæ.

Комсомольскы хъæуы сæргълæууæгæй 58,67 проценты хъæлæсимæ парти «Иугонд Уæрæсе»-йæ æвзæрст æрцыд Аулохты Гаврилы фырт Валери.

Змæйкæйы хъæуы минæвæртты æмбырдмæ æвзæрст æрцыд 11 депутаты, уыдонæй 6 сты парти «Иугонд Уæрæсе»-йæ, 1 — ЛДПР-æй, 2 — политикон парти «Родина»-йæ, 2 та — хихъæппæрисæй.

Змейкæйы хъæуы сæргълæууæгæй 23,47 хъæлæсимæ парти «Иугонд Уæрæсе»-йæ æвзæрст æрцыд Дзуццаты Викторы фырт Эльбрус.

Кæрдзыны хъæуы сæргълæууæгæй 43,1 хъæлæсы æрæмбырдгæнгæйæ парти «Иугонд Уæрæсе»-йæ æвзæрст æрцыд Хæмæтхъуаты Алимырзæйы фырт Олег.

Ираны хъæуы минæвæртты æмбырдмæ æвзæрст цы авд депутаты æрцыд, уыдонæй 6 сты парти «Иугонд Уæрæсе»-йæ, 1 та йæхи хъæппæрисæй чи бацыд, ахæм.

Ираны хъæуы сæргълæууæгæй 49,81 хъæлæсимæ парти «Иугонд Уæрæсе»-йæ æвзæрст æрцыд Плиты Аслæнбеджы фырт Вадим.

Уæрæсейы Федерацийы «Æвзарæджы сæйраг бартæ æмæ гражданты референдумы архайыны барты тыххæй» федералон закъонмæ гæсгæ ныр хъæлæс кæнынмæ цалæй æрбацæуой, уымæн сæрмагонд къæсæр нал ис, фæлæ уæддæр муниципалон район æмæ æхсæз хъæуы æвзарджытæ хъæлæс кæнынмæ æрбацыдысты æвзарджыты 60 проценты, 3 хъæуæн æрбацыдысты сæ 50 процентæй фылдæр, 3 хъæуы та — 40 процентæй фылдæр.

Зæгъын хъæуы уый, æмæ æвзарджыты тыххæй федералон æмæ республикæйы закъæттæм гæсгæ Республикæ Цæгат ИрыстонАланийы бынæттон хиуынаффæйады оргæнтæ куыстхъом арæзт æрцыдысты.

Æвзæрстытæ ацыдысты бæрзонд организацион æмвæзадыл æвзæрстыты закъæттæ куыддæриддæр домынц, афтæ.

УАЛЫТЫ Эльбрус, Цæгат Ирыстоны адæймаджы бартæ хъахъхъæнæг æххæстбарджын: — 9 сентябры æвзæрстыты бон сæумæрайсомæй изæрмæ иудадзыгдæр бастдзинад дардтон республикæйы æвзæрстытæ цы цыппар районы цыдысты: Алагиры, Æрæфы, Горæтгæрон æмæ Кировы районты территорион æвзарæн къамистимæ, суанг ма сæргълæуджытæ цы хъæуты æвзæрстой æмæ æвзæрстыты цы барадхъахъхъæнæг оргæнтæ архайдта, уыдонимæ дæр.

Иунæг æгъдаухæлды, æвзæрстыты закъæттæ халыны, кæнæ исты хин митæй пайда кæныны цау дæр нæ фехъуыстон, нæдæр æвзæрстыты архайджытæй, нæдæр хицæн адæймæгтæй. Æвзæрстытæ ацыдысты федералон æмæ республикон закъæттæ куыддæриддæр амонынц, афтæ сыгъдæг, æргом æмæ æнæ фиппаинæгтæй.

БЕСТАУТЫ Сослан, ЛДПР-ы цæгатирыстойнаг регионалон хайады коорди- натор:

Уыцы бон, 9 сентябры, сæумæрайсом нæ юристты къордимæ æрзылдыстæм æппæт æвзарæн къамистыл дæр. Æвзарæн къамистæ уыдысты тынг хорз цæттæ æвзарджыты æрбацыдмæ. Фæстæдæр штабæй телефоны фæрцы бастдзинад дардтам нæ партийы цæстдарджытимæ.

Цалдæр дзæнгæрæджы нæм фехъусын кодтой зына-нæзына æгъдаухæлдтыты тыххæй, фæлæ-иу сæ уайтагъд территорион къамисы уæнгтæ аиуварс кодтой. Æз афтæ хъуыды кæнын, æмæ ацы æвзæрстытæ нæ республикæйы уыдысты æппæты сыгъдæгдæр æмæ æнаипдæр. Быцæутæ цы цаутæ расайынц, ахæмтæ дзы нæ уыд, уымæн æмæ Центрон æвзарæн къамис, территорион æвзарæн къамистæ сæхи хорз бацæттæ кодтой æвзæрстытæм. КАИБ-тæ кæй хонынц, уыцы техникон мадзæлттæй кæй пайда кодтой, уый бынтондæр фæцыд адæмы зæрдæмæ. Уымæн æмæ дзы асайæн ницы хуызы ис, автомат йæхæдæг нымайы хъæлæстæ дæр, хæлд бюллетентæ дæр æмæ радæтты æцæг бæрæггæнæнтæ, уыимæ хæрз цыбыр рæстæгмæ.

Ныхас кодтон алы кары адæмтимæ æмæ се ‘ппæты зæрдæмæ дæр фæцыд æвзæрстыты организацийы æмвæзад, куыд хорз æмæ зæрдæмæдзæугæ, æнæбыцæу, æнæхин митæй арæзт кæй æрцыд, уый. Иу хатт ма бузныг зæгъын Центрон æвзарæн къамис æмæ территорион æвзарæн къамисты уæнгтæн æвзæрстытæ ахæм бæрзонд организацион уавæры кæй ацыдысты, уый тыххæй.

Политикон парти «РОДИНА»-йы цæгатирыстойнаг регионалон хайады Совет:

— Нæ партийы уæнгтæ архайдтой республикæйы бынæттон хиуынаффæйады æвзæрстыты цыппар районы дæр. Алы æвзарæн къамисы дæр уыдысты нæ партийы цæстдарджытæ. Нæ регионалон хайады Советы уæнгтимæ бабæрæг кодтам æппæт æвзарæн къамистæ æмæ нæ зæрдæмæ тынг фæцыд, адæм рæсугъдæй сæ фидæныл хъуыдыгæнгæйæ, хъæлæс кæнынмæ æхсызгонæй кæй цыдысты, быцæутæ æмæ дзы æгъдаухæлдтыты цаутæ кæй нæ уыд, сæйрагдæр та æвзæрстыты бæрæггæнæнтæ дызæрдыджы кæй никæй бафтыдтой æмæ сабыр, сыгъдæгæй кæй ацыдысты, уыцы хъуыддаг. Махмæ афтæ фæкаст, æмæ адæм баууæндыдысты сæ алкæй хъæлæс дæр цыдæр уæз кæй кæны, æвзæрстыты хъуыддагæн æххуыс кæй у, уыцы ахсджиаг фарстайыл, æмæ нæ уырны, иннæ æвзæрстытæм æнæзивæгдæрæй кæй цæудзысты, уый.

Касаты Батрадз

ОСТАВЬТЕ ОТВЕТ

Please enter your comment!
Please enter your name here