Ног бастдзинæдтæ

0
37

 

7 сентябры Мæскуыйы 35 уæрæсейаг æмæ вьетнамаг университетты ‘хсæн фыст æрцыд бадзырд æмгуыстады тыххæй. Вьетнамы Коммунистон партийы Центрон комитеты Генералон секретарь НГУЕН ФУ ЧОНГА, Вьетнамы ахуырады æмæ кадртæ цæттæ кæныны министр СУАН НЯ фембæлдысты УФ-йы уæлдæр ахуырад æмæ наукæйы министры хæдивæг Маринæ БОРОВСКАЯИМÆ.

Фембæлды сæйраг нысан у нæ бæстæты ‘хсæн уæлдæр ахуырады, наукæйы, культурæйы, спорты къабæзты æмгуыстад райрæзын кæнын. Уый тыххæй равзæрстой Вьетнамы æмæ Уæрæсейы уæлдæр профилон ахуырады раззагдæр скъолатæ. Сæйрагдæр æргом здæхт æрцыд Мæскуыйы Экономикæйы институты, экономикæйы уæлдæр скъолайы, æмæ Томскы паддзахадон университеттæм.

Сæрыстырæй фæнысан кæнын хъæуы уый, æмæ хæххон-металлургон дæсныйæдтыл чи ахуыр кæны, уыцы уæлдæр скъолаты ‘хсæн нæ бæстæйы кадджын æмбырды æвдыст æрцыд Цæгат Кавказы хæххон-металлургон институт. Фембæлды рæстæг ацы ахуыргæнæндоны æмæ Ханойы хæххон-геологион уни- верситетты æхсæн фыст æрцыд æмгуыстады тыххæй бадзырд. Цæгат Кавказы хæххонметаллургон институты ректор Владимир Дмитрак фембæлды æмæ бадзырды тыххæй загъта:

— Мах æрныхас кодтам Маринæ Боровскаяимæ, æмæ уый вазыгджыныл банымадта дыууæ уæлдæр скъолайы æхсæн æмгуыстад. Хæххон-металлургон институты æмæ Вьетнамы хæххон-геологион уæлдæр скъолайы ‘хсæн бадзырд кæй бафыстам, уый хуымæтæджы нæу. Мах царды уадзæм Уæрæсейы Федерацийы æмæ Вьетнамы университетты ‘хсæн сæрмагонд геологион ахуырады программæ «Минерал»-ы домæнтыл æнцой кæнгæйæ. Проектыл бакуыста æмæ йын æхцайæ æххуыс кæны европæйаг цæдис, йæ архайды сæйраг нысан та у академион цæттæдзинады нысан кæмæн уа, ахæм гло- балон тыгъдад саразын. Уыцы проектмæ гæсгæ, Цæгат Кавказы хæххон-металлургон институт æмгуыст кæны æртæ уæрæсейаг æмæ фондз фæсарæйнаг уæлдæр скъолаимæ. Уыдонæй сты дунейы мидæг æппæты зæронддæр хæххон университет — Фрайбурджы хæххон академи (Германи). Нæ хæс у ахуырадон артдзæстыты пълантæ æмæ ахуырад специализаци «Геологи» æмæ «Нефть», «Газ»-ы хъуыддаг царды рауадзын. Уый та фадат ратдзæн Цæгат Кавказы хæххон-металлургон институты дипломтæ амынд дæсныйæдтæй проекты архайæг бæстæты ‘хсæн цæмæй нымад æрцæуой, уымæн. Ханойы хæххон-геалогион университеты ректор Ле Хай Ан делегацийы куыстадон балцы рæстæг 2018 азы августы мæйы бæрзонд аргъ скодта Цæгат Кавказы хæххон-металлургон институты профессортæ æмæ ахуыргæнджытæн. Æмæ зæрдæ бавæрдта дыууæ университеты ‘хсæн ахуырадон-зонадон бастдзинæдтæ фидардæр кæныныл дарддæр кусынæй.

Декабры та Цæгат Кавказы хæххон-металлургон институты ректор бабæрæг кæндзæн Ханойы хæххонгеологион университет.

Нæ уацхæссæг

 

ОСТАВЬТЕ ОТВЕТ

Please enter your comment!
Please enter your name here