Хæдахуыр нывгæнæг Фыййагдонæй

0
45

 

 

Знон Цæгат Кавказы хæххон-металлургон институты музейы байгом хæдахуыр ирон нывгæнæг ТАУЧЕЛАТЫ Тамерланы конд нывты равдыст. Байгом институты геологи æмæ хæхты хъуыддæгты ахуырадон лабораторийы разамонæг ФИДАРАТЫ Неллийы, институты историон кафедрæйы æмæ студенттимæ хъомыладон куысты хайады фæрцы.

Равдыстмæ æрбахуыдтой РЦИ-Аланийы Хæлардзинады хæдзары директор Кочиты Георги, Таучелты мыггаджы хистæрты минæвар Анатолийы, дзыллон хабархæссæг фæрæзты минæвæртты, студентты æмæ ахуыргæнджыты.

Равдыст кадджын уавæры гом кæнгæйæ, йæ саразæг, Фидараты Нелли æрбацæуæг адæмæн бузныг загъта æмæ сын радзырдта хæдахуыр, фæлæ ныридæгæн фидар фæндагыл чи цæуы, уыцы нывгæнæджы тыххæй.

Нелли куыд фехъусын кодта, афтæмæй ацы равдыст Таучелы-фыртæн у фæндзæм. Фыццаг равдыст ын уыд Алагиры бæстæзонæн музейы, дыккаг — республикæйы сывæллæтты реабилитацион центр «Тæмискъ»-ы, æртыккаг — РЦИ-Аланийы Национ наукон библиотекæйы, цыппæрæм — РЦИАланийы Нывгæнджыты цæдисы равдыстыты залы. Загъта, УФ-йы Хъахъхъæнынады министрады музейы дæр кæй сты Тамерланы конд нывтæ.

Ам фæбæрæг кæнын хъæуы уый, æмæ ацы музейæн бындур дæр Тамерлан кæй сæвæрдта.

Дарддæр равдысты фæлгæты арфæйы ныхас загъта Таучелаты Анатоли. — Хорз нæ уыдзæн, æмæ мæ кæстæрæй куы æппæлон, уый. Фæлæ мын кæд ныхасы бар радтат, уæд мæ арфæ ракæнын фæнды, абон Тамерланы фарсмæ чи балæууыд æмæ йæ циныл чи цин кæны, уыдонæн. Бузныг уын уæд.

— Тамерланы конд нывтимæ зонгæ дæн афæдзмæ æввахс æмæ сæм алы хатт куы фæкæсын, уæд сæ ссарын цавæрдæр ногдзинад. Йæ ахорæнтæ бæзджынæй-бæзджындæр кæнынц, сæ хуызтæ та — ирдæй-ирддæр. Уый та, мæнмæ гæсгæ, дзурæг у нывгæнæджы уды хъæздыгдзинадыл. Йæхæдæг куыд уæздан æмæ хуымæтæг у, афтæ хуымæтæг æмæ арфхъуыдыджын сты йæ конд нывтæ дæр. Æмæ йын мæ зæрдæ зæгъы, цæмæй цы фæндагыл лæуд у, ууыл бæрзæндтæм схиза, — загъта йæ раныхасы Хæлардзинады хæдзары директор Кочиты Георги.

КАСАТЫ Аслæнбег

ОСТАВЬТЕ ОТВЕТ

Please enter your comment!
Please enter your name here