Базылдысты пантеонмæ

0
90

 

Æппæтуæрæсеон адæмон фронты цæгатирыстойнаг хайады фæсивæдон командæйы минæвæрттæ ивгъуыд хуыцаубоны зиу сарæзтой, Ирон аргъуаны чи æрбынæттон, уыцы пантеоны.

— Куыд зонæм, афтæмæй пантеоны се ‘нусон бынат ссардтой ирон интеллигенцийы разагъды минæвæрттæ, Фыдыбæстæйы Стыр хæсты Хъæбатыртæ, æндæр зындгонд æхсæнадон архайджытæ. Хъыгагæн, ингæнтæй бирæтæ хæмпæлы бын фесты. Ахæм уавæрæн быхсæн нæй. Ацы адæмты табуйаг нæмттæн хъуамæ кад кæнæм ныхасæй нæ, фæлæ хъуыддагæй, — радзырдта Æппæтуæрæсеон адæмон фронты цæгатирыстойнаг хайады фæсивæдон командæйы уæнг Маринæ Ткачева.

Уыцы бон фæсивæдæн дзæвгар бантыст. Хæмпæл æмæ бырæттæй асыгъдæг кодтой пантеоны иу хай. Куыд нысангонд цæуы, афтæмæй сыгъдæггæнæн куыстытæ адарддæр уыдзысты хæстæгдæр фæлладуадзæн бонты.

Фронты фæсивæдон командæйы хъæппæрисæй ахæм мадзæлттæ арæзт цæуынц иудадзыгдæр. Зæгъæм, фæсивæд базылдысты Фыдыбæстæйы Стыр хæсты архайджыты æфсымæрон ингæнтæм Дзæуджыхъæуы, Мæздæг æмæ Цыколайы. Фæсивæды архайды фæрцы сæ хуыз ногæй скалдтой Дзуарыхъæуы мемориал «Æнусон арт» æмæ æндæр объекттæ.

Нæ уацхæссæг

 

ОСТАВЬТЕ ОТВЕТ

Please enter your comment!
Please enter your name here