Терроризмы ныхмæ тохы фарстатæ

0
52

 

Уæрæсейы æдасдзинады федералон службæйы директор Александр БОРТНИКОВ дзы сæрдариуæг кодта, афтæмæй горæт Махачкалайы уыд Национ антитеррористон комитеты æмбырд. Фембæлды архайджытæ æркастысты Цæгат Кавказы федералон зылды территори террористон фæзындтытæй бахъахъхъæныны фæдыл профилактикон æмæ тыхы мадзæлтты комплексон пълантæ æххæст кæнынмæ.

Æмбырды архайдтой комитеты уæнгтæ, Цæгат Кавказы федералон зылды субъектты сæргълæуджытæ, барадхъахъхъæнæг æмæ тыхы федералон ведомствотæ æмæ æндæр сæрмагонд службæты разамонджытæ.

Александр Бортников йæ раныхасы куыд фæбæрæг кодта, афтæмæй сæрмагонд æргом аздæхтæуыд, террористон идеологимæ æмхиц чи у, уыцы тыхты финансон хъомыс (куыд зонæм, афтæмæй ахæм æххуыс уыдон фылдæр истой фæсарæнтæй) скуынæг кæнынмæ. Æппæт уыцы сæрмагонд мадзæлттæ хуыздæрæрдæм зынынц регионы иумæйаг æхсæнадон-политикон уавæрыл. «Зæгъæм, ахæм профилактион архайды фæрцы ацы азы райдайæнæй нырмæ бæрæггонд æрцыдысты, террористон фыдракæндтæ саразынвæнд чи кодта, ахæм 6 къорды. Барадхъахъхъæнджытæ баурæдтой 63 фыдгæнæджы, стæй уыдонæн æххуыс чи кодта, ахæм 142 адæймаджы. Дагестан æмæ Цæцæны республикæты антитеррористон операциты рæстæг амардæуыд 50 гæрзифтонг фыдгæнæджы», — бафиппайдта Александр Бортников.

Уыимæ, Æдасдзинады федералон службæйы директоры ныхасмæ гæсгæ, Цæгат Кавказы территори бынтон нæма асыгъдæг дунеон террористон организациты идеологийы тæвагæй. «Уыцы организациты минæвæрттæ архайынц сæ фыдвæндтæ æххæст кæнын. Æввахс Хурыскæсæны регионты æрцæуæг гæрзифтонг быцæуты фæстæ сæ республикæтæм чи здæхы, уыцы боевикты къухæй. Уымæй уæлдай, уыдон зыгъуыммæ кæнынц фæсивæды зондахаст», — фæнысан кодта Александр Бортников.

Ацы æмæ иннæ фарстаты фæдыл æмбырды архайджытæ сæ хъуыдытæ загътой, стæй бахастой бæлвырд фæндæттæ.

Нæ уацхæссæг

 

ОСТАВЬТЕ ОТВЕТ

Please enter your comment!
Please enter your name here