«Мах дуг» мыхуыр кæны

0
108

 

Мыхуырæй рацыд журнал «Мах дуджы” ацы азы 10-æм номыр

Газет «Рæстдзинад»-ы 95 азы юбилейы кадæн «Мах дуджы» кусджытæ суазæг кодтой газеты. Рагæй фæстæмæ дæр ирон фысджытæ æмæ «Рæстдзинад» кæрæдзиуыл иузæрдион уыдысты, кæрæдзи цæрайæ цардысты.

Газеты редактортæй алы рæстæджыты куыстой Гæдиаты Цомахъ, Къосираты Сæрмæт, Барахъты Гино, Бæдоаты Хъазыбег, Æгъуызарты Æхсарбег. «Рæстдзинад»-иу сфидыдта ирон фысджыты ног радзырдтæй, уацаутæй, æмдзæвгæтæй, кадджытæй, критикон уацтæй, публицистон æрмæгæй…

Газет абон дæр у йæ раздæры традицитыл хæст. Æнгом бастдзинæдтæ йын ис фысджыты журнал «Мах дуг»-имæ дæр. Йæ алы номыры рацыд дæр ын цæстуарзонæй фехъусын кæны адæмæн, æрвылаз дæр дыууæ хатты ратты сæрмагонд литературон фарс «Нæ уазæг — журнал «Мах дуг». «Мах дуг» байгом «Рæстдзинад»-ы сæйраг редактор Битарты Маринæйы разныхас «Рæстдзинад»-ы фæндæгтæ», зæгъгæ, уымæй.

Цымыдисаг у, газет «Рæстдзинад»-ы редакцийы кæстæр фæлтæры номæй Гасанты Валери, Хетæгкаты Оксанæ, Касаты Аслæнбег цы æрмæг ныффыстой, уый — «Газет «Рæстдзинад»-ы кæстæр фæлтæры ныхас йæ фыццаг редактор Гæдиаты Цомахъмæ».

Журналы бакæсæн ис Гæдиаты Цомахъы, Дзæхаты Темырхъаны, Тегаты Сулейманы, Цæрукъаты Валодяйы, Хостыхъоты Зинæйы, Малиты Васойы, Дзасохты Музаферы, Тыджыты Юрийы, Цомайты Ростиславы, Тохсырты Къостайы, Бызыккаты Земфирæйы, Дыгъуызты Тенгизы æмдзæвгæтæ.

Журналкæсджыты бацымыдис кæндзæн Къосираты Сæрмæты радзырд «Бон изæрмæ», Мамсыраты Дæбейы радзырд «Годахы мæлæт», Мыртазты Барисы прозæйæ фыст æмдзæвгæтæ «Æгъдау», «Къодахы маст», «Цæргæс», Дзесты Куыдзæджы радзырд «Бирæкрат», Ходы Дзаххотты фельетон «Мæлæты тæрхон», Хуадонты Иссæйы «Фыстæджытæ», Хъуылаты Ладимыры радзырд «Хуыцау ратдзæн», Едзиты Цинийы фæндаггоны фыстытæй «Къæхтысæр».

Зæрдæскъæфгæ сты Бицъоты Гришы радзырд «Цъиуты лымæн», Хæблиаты Сафары «Алы хабæрттæ, хъуыдытæ», Багаты Аврамы радзырд «Æнæном ингæн», Æлборты Хетæджы радзырд «Чысыл дохтыр», Малиты Хасаны радзырд «Мады зæрдæ», Бæройты Сафары радзырд «Сауи», Черчесты Хъасболаты радзырд «Мæ дунейы рухс», Дзуццаты Къостайы алы хабæрттæ æмæ хъуыдытæ иумæйаг сæргондимæ «Бон цæуы æмæ фарн хæссы».

Рубрикæ «Не ‘взаг — нæ фарн», зæгъгæ, уый бынмæ — Абайты Эдуарды уацтæ «Цæугæдон йæ зæронд донвæд агуры» æмæ «Мæ тугæнхъæвзæн». Публицистикон æрмæджытæй журналы бакæсæн ис Гулуты Андрейы мысинаг «Барахъты Гино», Цгъойты Хазбийы уац «Скодта йæ æцæг адæмон газет», Бутаты Эльзæйы уац «Куыд рохзæрдæ стæм…», Касаты Батрадзы уац «Алы ран дæр — хъæугæ лæг», Сланты Асланы уац «Мæ царды сæйрагдæр спорт у».

Журнал сфидыдта Сланты Русланы, Зыгъуытаты Русланы, Будайты Аслæнбеджы нывтæй.

КУЫЦЫКТЫ Э

 

 

 

ОСТАВЬТЕ ОТВЕТ

Please enter your comment!
Please enter your name here