Ног рæвдауæндон — Алагиры

0
33

 

Сабитæ сты нæ фидæн. Фылдæр æххуыстæ сын чи бакæна, фылдæр лæггады сын чи бацæуа, уыдонмæ æрыздæхдзæн дывæр хæрзтæ, афтæ зæгъы рагон æмбисонд. Æмæ уыцы хъуыдыйыл фидар хæст сты республикæйы абоны разамонджытæ, сæ сæргъы БИТАРТЫ Вячеслав, афтæмæй.

Знон Алагиры фæндзæм скъолайы фæзуатыл байгом ног, нырыккон домантæн алцæмæйдæр дзуапдæттæг, диссаджы хæрзаив æддейы дæр æмæ мидæгæй дæр сывæллæтты рæвдауæндон 120 бынатæн.

Рæстæг кæд асæст уыд, уæддæр ныййарджыты æмæ сабиты циндзинадыл нæ фæуæлахиз. Рæвдауæндон хаудзæн фæндзæм скъоламæ, йæ разамонæг Икъаты Маринæ та уыдзæн скъолайы директоры хæдивæг сабиты хъомылады фарстаты. Сабитæн ног рæвдауæндон кадджын уавæры байгом кæнынмæ æрбацыдысты Республикæ Цæгат Ирыстон-Аланийы Сæргълæууæг Битарты Вячеслав, РЦИ-Аланийы Парламенты Сæрдары хæдивæг Гутнаты Аслæнбег, республикæйы Хицауады Сæрдары хæдивджытæ Икъаты Русланбег æмæ Иринæ Азимова, Æхсæнадон палатæйы сæрдар Нина Чиплакова, æппæтдунеон æхсæнадон змæлд «Иры Стыр Ныхас»-ы сæрдары хæдивæг Еналдыты Хъазыбег, районы администрацийы разамонджытæ:

Республикæйы Сæргълæууæг зæрдæбын арфæтæ ракодта сабитæн æмæ сæ ныййарджытæн, ног рæвдауæндон сын кæй байгом уыдзæн, уый фæдыл. Фæстаг дыууæ мæймæ абон республикæйы гом кæнæм æртыккаг рæвдауæндон. Ног азы фыццаг æмбисмæ ма байгом кæндзыстæм æхсæз рæвдауæндонæй фылдæр æмæ дæс къорды бынæттæ бынтон чысыл сывæллæттæн. Уый фадат ратдзæн хъæуты, районты рады лæууыны фарста аиуварс кæнынæн. Мæздæджы районы æмæ Дзæуджыхъæуы та ацы фарста федералон программæйы фæрцы æххæстгонд æрцæудзæн 2020 азмæ, — загъта Битарты Вячеслав. Республикæйы Сæргълæууæг ма зæрдиаг арфæтæ ракодта аразджытæн æмæ районы администрацийæн, цыбыр рæстæгмæ сабитæн ахæм хорз лæвар саразын сæ къухы кæй бафтыд уый фæдыл.

Рæвдауæндоны символикон дæгъæл йæ хицауæн раттыны кадджын бар лæвæрд æрцыд Икъаты Русланбегæн. Алагиры районы администрацийы сæргълæууæджы хæдивæг Елойты Аслан районы номæй зæрдиаг арфæ ракодта Битарты Вячеславæн, фæстаг рæстæг йæ хъæппæрисæй районы бирæ спортивон фæзтæ æмæ фæсивæдæн алыхуызон фæлладуадзæн хиирхæфсæн бынæттæ арæзт кæй æрцыд, уый фæдыл. Алагиры хистæртæй иу Тогъуызты Хъазыбег бæгæныйæ ракуывта ног бынæттæн, бафæдзæхста сабиты Хуыцау æмæ Уастырджийыл. Битарты Вячеслав чысыл сабитимæ кадджын уавæры алыг кодтой лент æмæ æрзылдысты ног рæвдауæндоны хæрзаив, хæрзцæттæ райдзаст æмæ рæсугъд бынæттыл.

 

КАСАТЫ Батрадз

Къам систа ЦÆГÆРАТЫ Дауыт

ОСТАВЬТЕ ОТВЕТ

Please enter your comment!
Please enter your name here