Хорз хъæппæрис

0
28

 

Дагестаны йæ тыхы бацыдис акци «Зеленые километры». Конд æрцыд республикæйы Сæргълæууæг Владимир Васильевы хъæппæрисæй. Горæт Каспийскы цæрджытæ ныссагътой алыхуызон бæлæсты талатæ. Чиновниктæ, æхсæнадон организацитæ, амалхъомтæ, студенттæ, хуымæтæг адæм æмхуызонæй сæ къухтæм райстой белтæ æмæ халамæрзæнтæ, æмæ зæрдæрухсæй базылдысты сæ уынгтæм, сæ ахизæнтæм, стæй дзы ныссагътой тала бæлæстæ.

Фыццаг тала ныссагъта Дагестаны Сæргълæууæг Владимир Васильев. Йæ хъуыдымæ гæсгæ, экологион зиуы фæрцы равдисæн ис райгуырæн зæхмæ уарзондзинад, Дагестан хъуамæ райса аив цъæх фæлыст. «Цæмæй Дагестан цъæх фæлыстæй фæстæмæ сфидауа, уымæн нын фадæттæ ис. Æмæ сæ хъуамæ спайда кæнæм, нæ бон у, æмæ иумæ бавналæм», — фæсидтис Владимир Васильев.

Ацы хорз экологион хъæппæрис адарддæр кодтой Дагестаны иннæ муниципалитеттæ дæр. Цъæх фæлыст фæбæрæг ис æрмæст фæндæгты фæрсты нæ, фæлæ ма скъолаты, сывæллæтты хъазæн фæзты дæр.

 

ОСТАВЬТЕ ОТВЕТ

Please enter your comment!
Please enter your name here