Мады ном кадимæ хæссынц

0
20

 

Хицауады хæдзары знон РЦИ-Аланийы Сæргълæууæг БИТАРТЫ Вячеслав Мады боны кадæн кадджын ном «Мад-Хъæбатыр»-æй схорзæхджын кодта нæ республикæйы мады ном сæрбæрзондæй чи хæссы, фарæстгай æмæ фылдæр сывæллоны чи хъомыл кæны, “Ирыстоны фидæн мæхицæй аразгæ у”, зæгъгæ, чи хъуыды кæны, уыцы сылгоймæгты. Битарты Вячеслав загъта:

— Уæ бирæ фыдæбæттæн æнцон аргъ скæнæн нæй. Ныййарæджы æгъуыссæг æхсæвтæн та — банымайæн. Нæ бæстæ æрæджы сбæрæг кодта Мады бон. Зæххыл цард куы равзæрдис, уæдæй абонмæ дзы хъиамæт кæнынц мадæлтæ, цæмæй уыцы цардæн йæ уд, йæ таг ма аскъуыной, фæлæ фæлтæр фæлтæры ива. Мах, нæхæдæг, нæ кары бацæуæм, уæддæр нæ мадæлтæн сывæллæттæ вæййæм. Мады хæс бафидын нырма никæмæн бантыст. Нæ республикæйы демографион уавæр цы æмвæзады ис, уый зонæм. Æмæ сымах хуызæн хъæбатыр мадæлтыл лæууы нæ фидæн. Хъомыл кæнут иу æмæ дыууæ нæ, фæлæ фараст æмæ уымæй фылдæр сывæллоны. Дунескæнæг уын бирæ тыхтæ раттæд. Мах дæр уын æххуыс кæндзыстæм.

2012 азы нæ республикæйы фидаргонд закъон, бирæсывæллонджын мадæлтæн æхцайы фæрæзтæй æххуыс кæныны фæдыл абоны онг цавæрдæр къуылымпытæ баййæфта. Фæлæ, ног азы бюджеты бавæрдтам уыцы хæстæ æмæ уын цы æмбæлы закъоны бындурыл, уыдон исдзыстут.

РЦИ-Аланийы Сæргълæууæджы уынаффæмæ гæсгæ кадджын ном «Мадхъæбатыр» лæвæрд æрцыд: Абайты Татьянæ, Агънаты Светланæ, Туаты Екатеринæ æмæ Ахъиты Фатимæйæн.

 САУТÆТЫ Тамилæ Къам систа ЦÆГÆРАТЫ Дауыт

ОСТАВЬТЕ ОТВЕТ

Please enter your comment!
Please enter your name here