Сæйраг æргом — социалон нысаниуæджы объекттæм

0
21

 

Мæскуыйы кусæг балцы уæвгæйæ, Цæгат Ирыстоны Сæргълæууæг БИТАРТЫ Вячеслав фембæлд УФ-йы Хицауады Сæрдары хæдивæг Виталий МУТКОИМÆ. Ныхасы рæстæг сæйраг æргом аздæхтæуыд республикæйы социалон къабазы объектты арæзтад æмæ реконструкцимæ

Уый тыххæй фехъусын кодта РЦИ-Аланийы Сæргълæууæ- джы æмæ РЦИ-Аланийы Хица- уады пресс-службæ. Зындгонд куыд у, афтæмæй Уæрæсейы Президент Влади- мир Путины амынддзинадмæ гæсгæ УФ-йы Хицауад сфидар кодта РЦИ-Аланийы социалон- экономикон рæзты мадзæлтты номхыгъд. Уыцы документы бындурыл федералон бюджет республикæйæн трансфертты хуызы сæрмагонд фæрæзтæ радих кæндзæн ахæм ахсджиаг объектты арæзтадæн: Мæздæджы поликлиникæ, дыууæ амбулаторийы Горæтгæрон районы, æртæ рæвдауæндоны æмæ рынчындоны рацарæзт Æрыдоны районы. Уымæй уæлдай, Битарты Вячеславы ныхасмæ гæсгæ, паддзахадон программæ «Ахуырады рæзт»-ы фæлгæты 2018 азы Дзæуджыхъæуы райдыдта ног скъолайы арæзтад.

Виталий Мутко æмæ Битарты Вячеслав æрдзырдтой ацы æмæ æндæр ахсджиаг объектты арæзтæдтыл, стæй се ‘ргом аздæхтой 2019 азы республикæйæн уæлæмхасæн финансон фæрæзтæ радих кæныны фарстамæ дæр. Зæгъæм, фидæн азы пълантæм гæсгæ федералон центры æххуысæй республикæйы арæзт цæудзысты социалон нысаниуæджы 11 объекты. Ъ

УФ-йы Хицауады Сæрдары хæдивæг йæ цæст дары завод «Электроцинчы» алыварс сæвзæрæг уавæрмæ дæр. «Уыцы куыстуаты дарддæры хъысмæт лыг кæнгæйæ, сæйрагдæр хъуамæ уой республикæйы цæрджыты интерестæ», — йæ хъуыды фæбæлвырд кодта Виталий Мутко.

Боны фæткы уыдысты æндæр ахсджиаг фарстатæ дæр.

 

ОСТАВЬТЕ ОТВЕТ

Please enter your comment!
Please enter your name here