Логистикæйы фарстатыл æргом ныхас

0
18

 

Дарддæр æххæстгонд цæуынц РЦИ-Аланийы социалон-экономикон рæзты стратегийы фæдыл æхсæнадон байхъуыстытæ. Знон Национ наукон библиотекæйы æрдзырдтой логистикæйы къабазы фарстатыл. Амыдтой йæ РЦИ-Аланийы экономикон рæзты министры хæдивæг ЦОРИТЫ Алетæ, РЦИ-Аланийы промышленносты æмæ транспорты министры хæдивæг ХЪИРГЪУТЫ Алан, стратегийы логистикæйы къабазы разамонæг АКЪОТЫ Георги. Æхсæнадон байхъуыстыты архайдтой уæлдæр ахуыргæнæндæтты ахуыргæнджытæ æмæ студенттæ, республикæйы амалхъомады куыст чи кæны, уыдон, таможняйы кусджытæ.

— Логистикæйы хайадыл иумæйагæй æрдзурын стыр пайда æрхæс- дзæн нæ размæвæрд хæстæ сæххæст кæныны хъуыддагæн, — загъта Цориты Алетæ. — Нæ республикæйы цы куыстуæттæ ис, уыдон æнæмæнг хъуамæ пайда кæной инновацион технологитæй, цæмæй йæ фæстиуджытæ сахадой нæ экономикæйы рæзтыл дæр. Амалхъомады куыстуæттæ сæ товартæ канд иннæ регионтæм нæ, фæлæ иннæ бæстæты базартæм дæр уæймæ чи æрвиты, уыдонæн хъуамæ баххуыс кæнæм нæ бон цæмæйдæриддæр у, уы- мæй. Ахсджиаг у фæсарæйнаг инвестортæ сæ инвестицитæ нæ республи- кæмæ здахыны хъуыддаг. Уый тыххæй дæр нæ хъæуы дзæвгар бафыдæбон кæнын, хъæугæ мадзæлттæ æмæ ногдзинæдтæ хæссын амалхъомады къабазмæ, цæмæй инвесторты фæнда нæ республикæйы кусын. Нæ геополитикон уавæртæ дæр нын фадат дæттынц иннæ регионтæ æмæ бæстæтимæ æнгом- дæр кусынæн.

Акъоты Георги куыд загъта, афтæмæй базилын хъæуы, республикæйыл цы дыууæ автомагистралон фæндаджы цæуы, уыдонмæ æмæ сын сæ куыстмæ ивддзинæдтæ бахæссын. Уыдон хъуамæ хæссой пайда республикæйæн. Саразын хъæудзæн промышле- нон-логистикон комплекс, таможняты куыстмæ дæр хаст æрцæудзæн дзæвгар ивддзинæдтæ, цæмæй абонау уæзласæн маши- нæтæ дæргъвæтин рæстæгмæ лæугæйæ ма баззайой, уымæй сæ дарддæр бахизыны тыххæй. Фыццаджыдæр та саразын хъæудзæн радылæуджытимæ, электронон хуызы куыст куыд цæуа, ахæм системæ.

Специалисттæ куыд фæбæлвырд кодтой, афтæмæй машинæтæ кæрæдзи фæдыл таможняйы пунктты кæй ныххал вæййынц, уы- цы уавæрæй сæхæдæг дæр æдыхст не сты. Июль, август, сентябры мæйты рог машинæты нымæц фæфылдæр вæййы дæсфынддæс хатты. Зымæгон та уæзласæн машинæтæй нæ вæййы ацæуæн, уымæн æмæ кæм фæндæгты хæрзхъæддзинады цауддзинæдтæ, кæм та сæ æрдзон фыдбылызтæ къуылымпы кæнынц фæндаджы куыст.

Амалхъомтæй æхсæнадон байхъуыстмæ чи æрбацыд, уыдонмæ разынд бирæ фæрстытæ. Хъыгагæн, мадзалы нæ архайдтой хъалонты службæйы минæвæрттæ. Кæронбæттæны хатдзæгтæм гæсгæ логистикæйы къабазы рæзты стратегимæ хаст æрцæудзысты, цы ахсджиаг фарстатыл æрдзырдтой, уыдон дæр æмæ йæ ноджыдæр фæхæрзхъæддæр кæндзысты.

ХЕТÆГКАТЫ Оксанæ

ОСТАВЬТЕ ОТВЕТ

Please enter your comment!
Please enter your name here