«Ирыстоны фæсивæд»

0
13

 

30 азы кæуыл нæма сæххæст, астсæдæ ахæм æрыгон цæгатирыстойнаджы архайдтой республикон фестиваль «Ирыстоны фæсивæд»-ы. Конкурсанттæ ерыс кодтой зарынæй, кафынæй, æмдзæвгæтæ кæсын æмæ нывтæ кæнынæй

Жюрийы уæнгтæ æппæтæй стырдæр аргъ кæй аивадæн скодтой, уыцы адæм архайдтой Фæсивæды республикон галуаны æвдыст гала-концерты.

Цæгат Ирыстоны Хицауады Сæрдар Тускъаты Таймураз æмæ Фæсивæды хъуыддæгты комитеты сæрдар Джусойты Руслан ерысты уæлахиздзаутæн, арфæ сын ракæнгæйæ, хæрзиуджытæ радтой.

— Ам æрæмбырд сты Цæгат Ирыстоны курдиатджын лæппутæ æмæ чызджытæ. Сымахæй алчидæр йæ дæсныдзинад равдыста. Фидæны нæ чысыл Ирыстонæн стыр кад кæй скæндзыстут, уый мæ уырны. Нæ курдиатджын, фæллойуарзаг фæсивæдæй сæрыстыр дæн. Фестивальмæ цæттæгæнгæйæ фæсивæдæн чи æххуыс кодта, уыцы адæмæн — уæлдай стырдæр бузныг. Уæ ахуыргæнджыты æмæ ныййарджыты аудындзинады фæрцы уæ къухы ног æнтыстдзинæдтæ кæй бафтдзысты, ууыл зæрдæ дарын, — загъта Тускъайы-фырт.

Фестиваль «Ирыстоны фæсивæд” у XVIII Æппæтуæрæсеон фæсивæдон хъæзтыты республикон хай. Уый цæудзæн иннæ аз Ростовы.

 

ОСТАВЬТЕ ОТВЕТ

Please enter your comment!
Please enter your name here