Челæхсаты Владимир — ног федералон инспектор

0
15

 

Цæгат Ирыстоны кусæг балцы уыдис УФ-йы Президенты Æххæстбарджын минæвар Цæгат Кавказы федералон зылды Александр МАТОВНИКОВ. Уый нæ республикæйы Хицауады уæнгты базонгæ кодта РЦИАланийы ног федералон инспектор ЧЕЛÆХСАТЫ Владимиримæ.

— Владимир Ильяйы-фырт райгуырд 1958 азы. Астæуккаг скъолайы фæстæ райста уæлдæр æфсæддон ахуырад, у политикон наукæты кандидат, æфсæддон службæйæн радта 37 азы, уыдис кæддæриддæр афицеры цины. Челæхсаты Владимир хорзæхджынгонд у паддзахадон хæрзиуджытæ, майдантæ æмæ ордентæй: «Мужество», «За военные заслуги», «За заслуги перед Отечеством 3 и 4 степени». Владимир уыдис сæрмагонд æфсæддон дæлхайад «Альфа»-йы разамонджытæй иу. Мæ зæрдæ дарын, ныфс мæ ис, цы хæслæвæрдтæ йæм хаудзæн, уыдон бæрнонæй кæй æххæст кæндзæн, нæ бæстæйы Президенты Указтæ республикæйы куыд æххæстгонд цæудзысты, уыцы хъуыддагмæ бæлвырд йæ цæст кæй дардзæн, уымæй, — загъта Александр Матовников.

РЦИ-Аланийы Сæргълæууæг Битарты Вячеслав дæр ног федералон инспекторæн зæрдиаг арфæтæ ракодта æмæ загъта, Ирыстоны хæрзæбонæн иумæ бæрнонæй кæй архайдзысты, уый тыххæй.

Челæхсаты Владимир æмбырды архайджытæн загъта бузныджы ныхæстæ се ‘ууæнчы тыххæй.

— Æз Цæгат Ирыстоны бирæ рæстæг нæ уыдтæн. Мæ райгуырæн чысыл бæстæйы мын ацы æмбырд у фыццаг, фæлæ мын цард цы зонындзинæдтæ радта æмæ цы фæлтæрддзинадæй дæн хайджын, уыдон æнæвгъауæй Ирыстоны рæсугъд фидæнæн саккаг кæндзынæн, — загъта Челæхсаты Владимир.

САУТÆТЫ Тамилæ

ОСТАВЬТЕ ОТВЕТ

Please enter your comment!
Please enter your name here