Республикæйы скъолатæн — автобустæ

0
59

 

Знон республикæйы Хицауады Сæрдар ТУСКЪАТЫ Таймураз республикæйы скъолаты директортæн кадджын уавæры радта ног автобустæ æмæ рог автомашинæты дæгъæлтæ.

— Ног азы къæсæрыл скъолатæн ног автобустæ кæй дæттæм , уый у уæлдай æхсызгон хъуыддаг. Уымæн æмæ астæуккаг ахуырады артдзæстыты разамонджытыл, ахуыргæнджытыл уæлдай стырдæр хæстæ æвæрд ис. Сымах æрыгон фæлтæры аразут фыдæлты культурæйæн, æгъдæуттæн, хистæртæн, нæ бæстæйы историйæн раст аргъ кæныныл. Афтæмæй уын Ног аз хорздзинад, амонд æмæ фарн æрбахæссæд, — загъта Тускъаты Таймураз.

Уый фæстæ РЦИ-Аланийы Хицауады Сæрдары къухæй ног автобусты дæгъæлтæ райстой Сунжæйы, Кæрдзыныхъæуы, Мызуры, Æрыдоны 1-æм астæуккаг скъолайы, Павлодольскийы, Черноярскийы, Виноградныйы, Предгорныйы, Комсомольскы хъæуты астæуккаг скъолаты, æмæ Физиконматематикон республикон лицейы директортæ.

АНВАРАТЫ В. Къам систа ЦÆГÆРАТЫ Дауыт

ОСТАВЬТЕ ОТВЕТ

Please enter your comment!
Please enter your name here