Сывæллæттæн — бæрæгбоны лæвæрттæ

0
537

 

Æрвылаз Цæгат Ирыстоны Сæргълæууæг БИТАРТЫ Вячеслав ногазон лæвæрттæй барæвдауы республикæйы фæкæсинаг бинонты сывæллæтты. Ныр дæр та кæстæртæн ахæм бæрæгбон арæзт æрцыд Цæгат Ирыстоны Тæбæхсæуты Балойы номыл паддзахадон Ирон академион театры.

Ардæм республикæйы районтæй цы æвзонг лæппутæ æмæ чызджытæ æрбацыд, уыдонæн арфæ ракодта РЦИ-Аланийы фæллойы æмæ социалон рæзты министр Хуыбиаты Барис, стæй загъта:

«Фæнды мæ Республикæ Цæгат Ирыстон-Аланийы Сæргълæууæг Битарты Вячеславы номæй сымахæн ногазон лæвæрттæ ракæнын, цæмæй уæ ныййарджытимæ зæрдæрухсæй сæмбæлат, чи ралæудзæн, уыцы бæрæгбоныл».

Дарддæр сывæллæттæ федтой Цæгат Ирыстоны Тæбæхсæуты Балойы номыл паддзахадон Ирон академион театры ног азы аргъау «Митæйы рæсугъд». Кæронбæттæны республикæйы Фæллойы æмæ социалон рæзты министрады хайады сæргълæууæг Гаппуаты Зæидæ сывæллæттæн радта лæвæрттæ. Куыд радзырдта, афтæмæй ахæм лæвæрттæ республикæйы æдæппæт райстой 15 мин лæппу æмæ чызджы, уыимæ, Дзæуджыхъæуы фæкæсинаг бинонты сывæллæттæ дæр.

ТОХСЫРТЫ Къоста Къам систа КЪÆБЫСТЫ Харитон

 

ОСТАВЬТЕ ОТВЕТ

Please enter your comment!
Please enter your name here