Ногазон арфæтæ — адæмон фронтæй

0
50

 

Цæгат Ирыстоны ацыд акци «В Новый год вместе с «Молодежкой ОНФ». Ногазон каникулты рæстæг регионалон командæ «Молодежка ОНФ»-йы минæвæрттæ æмæ Æппæтуæрæсеон адæмон фронты цæгатирыстойнаг активисттæ республикæйы цæрджытæн Ног азы фæдыл арфæтæ кодтой

Æхсæнадон организацийы активисттæ акцийы архайджытæн — радхæссæг медиктæн, пъæлицæйы кусджытæн, æхсæнадон транспорты шофыртæн, уынгты æвæрд ларекты уæйгæнджытæ æмæ дзыллон хабархæссæг фæрæзты минæвæрттæн — лæвæрдтой сæрмагондæй цæттæгонд арфæйы открыткæтæ.

— Бæрæгбоны рæстæг кусæг адæмы фæрцы махæн ис хæстæджыты уыныны, хæдзармæ афоныл æрбаздæхыны, стæй дунейы æрцæуæг цаутæ æмæ нын не ‘нæниздзинад хъахъхъæнæг адæмы зоныны фадат. Ахæм дзыллон мадзæлттæ хъæугæ кæй сты, открыткæтæ адæмæн дæтгæйæ, уый рахатыдыстæм. Чысыл хорздзинад дæр дуне нывылдæр кæны, — зæгъы цæгатирыстойнаг командæ «Молодежка ОНФ»-йы активист Коцты Аринæ.

Æхсæнадон организацийы уæнгтæ Дзæуджыхъæуы 1-æм автовагзалы кæй фехъусын кодтой, уыцы зæлон арфæ адæмы зæрдæтæ барухс кодта. Микрофоны фæрцы арфæтæ ракодтой маршрутон такситы æмæ дардмæ цæуæг автобусты шофыртæн, автовагзалы кусджытæн, барадхъахъхъæнджытæ æмæ бæлццæттæн.

Ног азы бæрæгбоны агъоммæ командæ «Молодежка ОНФ»-йы минæ- вæрттæ арфæтæ æмæ лæвæрттимæ бабæрæг кодтой Сывæллæтты рес-публикон клиникон рынчындоны онкологи æмæ гематологийы хайад, стæй Мæздæджы районы æнæниздзинады цыбыргонд гæнæнтимæ сывæллæттæн раарфæ кодтой.

БÆДТИАТЫ Оксанæ

ОСТАВЬТЕ ОТВЕТ

Please enter your comment!
Please enter your name here