Парти «Иугонд Уæрæсе»-йы экологион проекттæ

0
55

 

2019 азы фыццаг кварталы «Иугонд Уæрæсе»-йы партион проект «Чистая страна»-йы фæлгæты кусын райдайдзысты дыууæ ног электронон экологион сервисы — «Зеленая карта» æмæ «Красная кнопка». Уый тыххæй фехъусын кодта партион проекты координатор, УФ-йы Паддзахадон Думæйы экологи æмæ алфамбылай æрдз хъахъхъæныны комитеты сæрдар Владимир БУРМАТОВ.

Сервис «Зеленая карта» арæзт уыдзæн интерактивон картæйы хуызы æмæ дзы æвдыст цæудзысты, алы уæрæсейаг регионты полигонты территоритæ рекультивацигонд куыд цæуынц, дон сыгъдæггæнæн системæтæ куыд аразынц, стæй æндæр экологион программæтæ куыд æххæстгонд цæуынц, æппæт уыдæттæ. «Ацы сервисы сæйраг нысан у не ‘мбæстæгтæн æххæст æмæ бæстон информаци дæттын, регионты экологион уавæры, стæй, алфамбылай æрдзы уавæр фæхуыздæр кæныны фæдыл цы мадзæлттæ арæзт цæуы, уый тыххæй», — загъта Владимир Бурматов.

Иннæ сервис — «Красная кнопка»-йы фæрцы та алкæцы адæймагæн дæр фадат уыдзæн алыхуызон экологион æгъдаухæлдтыты тыххæй фехъусын кæнынæн. Зæгъæм, цæугæдæттæм алыхуызон знаггадхæссæг буаргъæдтæ калыны, æнæбындур бырондæтты фæзынды, уæлдæф алыхуызон æнæхъуаджы æппарæццæгтæй чъизи кæныны æмæ æндæр ахæм цауты тыххæй. Регионты цæрджытæ уыцы сервисы цы тыхстаг бынæттæ бæрæг кæндзысты, уыдонмæ здæхт цæудзæн профилон ведомствоты æргом. «Адæмы алкæцы хъусынгæнинаджы фæдыл дæр конд цæудзæн бæстон раиртæст. Уыимæ, нæ партийы минæвæрттæ дарддæр дæр сæ цæст дардзысты, хъуагдзинад куыд иуварсгонд цæуы, уымæ», — радзырдта Паддзахадон Думæйы экологи æмæ алфамбылай æрдз хъахъхъæныны комитеты сæрдар.

Ацы дыууæ ног экологион сервисы тыххæй йæ хъуыдытæ загъта парти «Иугонд Уæрæсе»-йы регионалон хайады æххæсткомы разамонæг Едзойты Марат. «Экологийы фарстатæ ахсджиаг сты Цæгат Ирыстоны цæрджытæн дæр. Не ‘мзæххонты тыхсын кæны алфамбылай æрдз æмæ цæугæдæтты цауд уавæр, нуазыны доны хæрзхъæддзинад иуæй-иу цæрæнбынæтты, «Электроцинчы» куыстады хауæццæгты дарддæры хъысмæт. Сæрмагонд ныхасы аккаг сты, рæстæгæй-рæстæгмæ алы бынæтты æнæбындурæй чи фæзыны, уыцы бырондæттæ. Æппæт уыцы æууæлтæ хынцгæйæ, ахсджиаг хъуыддагыл нымайын ног экологион сервистæ байгом кæныны хъуыддаг. Ныфс мæ ис, уыцы фæрæзты æххуысæй тыхстаг экологион фарстатæ бæстондæр лыггонд кæй цæудзысты, стæй, адæмы хъæстытæ æмæ фиппаинæгтæм стырдæр æргом здæхт кæй цæудзæн, уымæй», — фæнысан кодта Едзойыфырт.

Нæ уацхæссæг

 

ОСТАВЬТЕ ОТВЕТ

Please enter your comment!
Please enter your name here