Людмилæ Башарина — Цæгат Ирыстоны ахуырад æмæ наукæйы министр

0
69

 

Республикæ Цæгат Ирыстон-Аланийы Сæргълæууæг 2019 азы 6 февралы цы Указ бафыста, уымæй республикæйы ахуырад æмæ наукæйы министрæй нысангонд æрцыд Людмилæ БАШАРИНА Вячеславы чызг. Уый тыххæй фехъусын кодта РЦИ-Аланийы Сæргълæууæджы æмæ РЦИ-Аланийы Хицауады пресс-службæ.

Людмилæ Башарина райгуырд горæт Алагиры. Каст фæци Цæгат Ирыстоны Хетæгкаты Къостайы номыл паддзахадон университет, райста дзы историйы ахуыргæнæджы дæсныйад. Йæ фæллойадон архайд райдайæнæй нырмæ баст у ахуырады системæимæ.

1997-2001 азты куыста Алагиры 4-æм астæуккаг скъолайы историйы ахуыргæнæгæй. 2007-2009 азты — национ проект «Ахуырад» æххæст кæныны фæдыл Цæгат Ирыстоны Ахуырад æмæ наукæйы министрады оперативон къорды сæйраг специалист. 2009-2012 азты — РЦИ-Аланийы Ахуырад æмæ наукæйы министрады иумæйаг ахуырады хайады сæйраг специалист-эксперт. 2012-2016 азты — Дзæуджыхъæуы бынæттон хиуынаффæйады ахуырады управленийы иумæйаг æмæ уæлæмхасæн ахуырады хайады хицау. 2016 азы — Дзæуджыхъæуы бынæттон хиуынаффæйады ахуырады управленийы хицауы хæдивæг. 2016-2017 азты

— РЦИ-Аланийы Ахуырад æмæ наукæйы министрады иумæйаг ахуырад æмæ сывæллæтты социалон æгъдауæй хъахъхъæныны хайады хицау. 2017-2018 азты — Цæгат Ирыстоны ахуырад æмæ наукæйы министры хæдивæг. 2018 азы нысангонд æрцыд Цæгат Ирыстоны ахуырад æмæ наукæйы министры хæстæ рæстæгмæ æххæстгæнæгæй.

Людмилæ Башаринайæн 2000 азы саккаг кодтой «Азы ахуыргæнæджы» кадджын ном, у Уæрæсейы Федерацийы иумæйаг ахуырады кадджын кусæг.

ОСТАВЬТЕ ОТВЕТ

Please enter your comment!
Please enter your name here