Журнал «Ногдзау» мыхуыр кæны

0
51

 

Мыхуырæй рацыд журнал «Ногдзау»-ы ацы азы фыццæгæм номыр.

Фыццаг ирон сылгоймаг-барæг, цирчы артисткæ, Советон Цæдисы адæмон артисткæ Тугъанаты Дзерассæйы райгуырдыл сæххæст 90 азы. Журналы ис йæ къам æмæ йæ цыбыр биографи. Рубрикæ «Журналы уазæг», зæгъгæ, уый бынмæ ис æрыгон поэт, литературон преми «Булæмæргъ»-ы лауреат Бестауты Жаннæимæ интервью «Мæ адæмы æркæнин иудзинады фæндагмæ».

Рубрикæтæ «Бæрæгбæттæ» æмæ «Æгъдæуттæ»-йы бынмæ — «Ног аз» æмæ «Ног азы фынг».

Журналы мыхуыргонд цæуынц Беслæны 4-æм астæуккаг скъолайы 11-æм къласы ахуырдзау Бестауты Аланæйы, Цыколайы фыццæгæм астæуккаг скъолайы 4-æм къласы ахуырдзау Икъаты Дианæйы æмдзæвгæтæ.

Мыхуыргонд дзы æрцыд рухсы бадинаг Цомайты Ростиславы фыст зарæг «Митгæлæбу».

Сывæллæттæ зæрдиагæй бакæсдзысты Елхоты 2-æм астæуккаг скъолайы 7-æм къласы ахуырдзау Ибрагим Готанийы таурæгъ «Дидинджытæ», Цыколайы 3-æм астæуккаг скъолайы 4-æм къласы ахуырдзау Дзираты Тамарæйы аргъау «Робаз æмæ узун».

Рубрикæ «Иры намыс»-ы — ирон адæмы хъæбатыр Коцты Бегайы тыххæй цыбыр зонинæгтæ.

Цымыдисаг у сывæллæтты хæдзар «Хуры тын»-ы хъомылгæнинаг Верæ Мурадовайы цыбыр радзырд «Кæсаг ахсынмæ».

Рубрикæ «Æфсымæрон адæмты сфæлдыстад»-ы бынмæ — Дагестаны Хъызлары 11-æм скъолайы æвдæм къласы ахуырдзау Эленæ Амбарцумяны аргъау «Тырысайы хъару».

Сабитæн сæ Ног азы арфæтæ кæнынц нæ республикæйы Сæргълæууæг Битарты Вячеслав, Хуссар Ирыстоны ахуырад æмæ наукæйы министр Гасситы Натали, Уырыссаг театры разамонæг Владимир Уваров æмæ хуыйджыты æрмадз «Лиза Габарати»-йы сæргълæууæг Гæбæраты Лизæ.

Журналы ма ис, сабиты чи бацымыдис кæндзæн, æндæр ахæмтæ: æмбисæндтæ, сканворд…

Журнал сæ нывтæй саив кодтой нывгæнджытæ Айларты Владимир, Абайты Аркади, Дзиуаты Земфирæ.

КУЫЦЫКТЫ Э

 

ОСТАВЬТЕ ОТВЕТ

Please enter your comment!
Please enter your name here