БИТАРТЫ Вячеслав: «Уæрæсейы Федерацийы Президент йæ Ныстуаны адæмы фæрныгад фæфылдæр кæныны тыххæй сæвæрдта комкомммæ хæстæ»

0
54

 

Республикæ Цæгат Ирыстон-Аланийы Сæргълæууæг БИТАРТЫ Вячеслав архайдта, Уæрæсейы Федерацийы Президент æрвылаз Федералон Æмбырдмæ цы Ныстуан фервиты, уым.

Владимир Путин йæ раныхасы фæбæрæг кодта Уæрæсейы мидбæстон политикæйы сæйраг нысантæ. Фылдæр æргом аздæхта, 2018 азы майы ист Указтæ æмæ национ проектты цы хæстæ сæвæрдта, уыдонмæ.

«Национ пректтæ конд сты алы адæймаджы тыххæй дæр, алы фæлтæртæн дæр царды хæрзхъæддзинад фæбæрзонддæр кæныны фæдыл, уый та сæххæст кæнæн ис, æрмæстдæр Уæрæсе тагъд куы рæза, уæд. Рæзты проекттæ нæдæр федералон сты, нæдæр хицæн ведомствæты, сты — национ. Сæ фæстиуджытæ хъуамæ бæрæг дарой Уæрæсейы алы хицæн субъекты, муниципалитеты. Хъуыддæгтæн сæ фылдæр хай конд цæуы ам, «зæххыл», — загъта Владимир Путин, æмæ æппæт æмвæзады хицаудзинады оргæнтæн бафæдзæхста мидисджын, ахадгæ куыст.

РЦИ-Аланийы Сæргълæууæг Битарты Вячеслав, Ныстуанмæ байхъусыны фæстæ куыд бафиппайдта, афтæмæй ацы документ æххæстгæнæг хицаудзинады æппæт оргæнтæн амоны архайды бæлвырд мадзæлттæ, у социалон фарстытæм здæхт.

«Президенты раныхасы сæйрагдæр уыдысты граждæнты фæрныгад æмæ царды удæнцойдзинæдтæ. Фылдæр æргом бинонты цард фидар кæнынмæ æмæ граждæнты фæрныгадмæ кæй аздæхта, уый у зæрдæмæдзæугæ. Куыд, цæгаткавказаг республикæтæй иуы разамонæг, афтæ мæ сагъæсы æфтауы, регионы бирæсывæллонджын бинонты нымæц къаддæр кæй кæны, уый. Мæн уырны: уæлæмхасæн æххуысы мадзæлттæ бæстæйы демографион уавæр банывыл кæндзысты. Уыдонимæ — пособиты бæрцыл кæй бафтдзæн, хъалонты уæз дæр сыл уыйас нал æнцайдзæн, уымæй дарддæр сын ипотекон æфстæутты ныхмæ субсидитæ дих кæндзысты æмæ ма æндæр ахæм ахсджиаг æнцойдзинæдтæ», — бафиппайдта Битарты Вячеслав.

Республикæйы Сæргълæууæг ахсджиагыл нымайы, æппæт цæрджытæм дæр фыццаг медицинон æххуыс фæхæццæ кæнынæн бæлвырд æмгъуыдтæ æвæрд кæй æрцыд, уыцы хъуыддаг. «Ацы ран нæм стыр куыст æнхъæлмæ кæсы, ныр дæр æй æххæст кæнæм, дарддæр дæр ыл архайдзыстæм. Владимир Путин ма рæгъмæ рахаста мæгуырдзинадимæ тох кæныны фарста дæр, ацы ран хъæуы уæлæмхасæн мадзæлттæ. Республикæйы уыцы хъуыддагыл архайæм. Социалон бадзырдтæй пайда кæныны нысан, хицæн адæймæгтæн æххуысы сæрмагонд программæтæ — ацы фарстатæ Ныстуаны бæрæггонд æрцыдысты. Кæд вазыгджын сты, уæддæр сæ царды аразын хъæуы, хъуамæ нæ граждæнтæн профессионалон æгъдауæй сæ къахыл слæууынæн уа фылдæр гæнæнтæ. Махæн ахсджиаг у, хъæутæй адæм горæттæм кæй лидзынц, уыцы фарста. Зæрдæ дарæм, хъæууон территориты рæзты ног программæйыл æмæ паддзахадон программæ «Хъæуккаг ахуыргæнæг»-ыл, — фæбæрæг кодта РЦИ-Аланийы Сæргълæууæг Битарты Вячеслав.

РЦИ-Аланийы Сæргълæууæджы æмæ РЦИ-Аланийы Хицауады пресс-службæ

 

 

ОСТАВЬТЕ ОТВЕТ

Please enter your comment!
Please enter your name here