«Сылгоймаг цардаразæг, фарн у»

0
204

 

Дзæуджыхъæуы Советон Цæдисы Хъæбатыр ОСТЪАТЫ Алексейы номыл 25-æм астæуккаг скъолайы уыд сфæлдыстадон фембæлд «Сылгоймаг цардаразæг, фарн у». Æрæджы Сылгоймæгты дунеон бон кæй уыд, уыцы æууæл хынцгæйæ, ацы хатт скъолайы уазджытæ систы Цæгат Ирыстоны сылгоймаг-литератортæ.

Скъоладзау фæсивæд зæрдиагæй бацин кодтой Соттиты Риммæйыл, Кокойты-Грищенко Валентинæйыл, Бызыккаты Земфирæ æмæ Баситы Зæлинæйыл, базонгæ сты ацы курдиатджын сылгоймæгты сфæлдыстадимæ. Уыцы фембæлдмæ скъолайы директоры хæдивæг Бичылты Антонинæ бацæттæ кодта Цæгат Ирыстоны сылгоймаг-фысджыты чингуыты равдыст.

Сфæлдыстадон изæры райдайæны скъолайы директор Бузойты Зæлинæ ахуырдзаутæн радзырдта фембæлды архайæг сылгоймæгты сфæлдыстады тыххæй. Скъоладзаутæ дæр æдзæттæйæ не ‘рбацыдысты фембæлдмæ — бакастысты сæ уазджыты æмдзæвгæтæ, акодтой рæсугъд лирикон зарджытæ.

Фысымтæ æмæ уазджытæ дæр ахæм зæрдæбын фембæлдæй разыйæ баззадысты. Поэтикон изæр бацæттæ кæныныл æмвæндæй бакуыстой Цæгат Ирыстоны Фысджыты цæдис æмæ скъолайы разамынд.

Нæ уацхæссæг

 

ОСТАВЬТЕ ОТВЕТ

Please enter your comment!
Please enter your name here