Æдасдзинады фарстытæ

0
219

 

Цæгат Ирыстоны Сæргълæууæг БИТАРТЫ Вячеславæн кусæг фембæлд уыд Уæрæсейы Федерацийы Национ гвардийы æфсæдты Цæгат Кавказы зылды командыгæнæг, инæлар-лейтенант Игор ГЕТМАНОВИМÆ (инæлар ныронг уыд УФйы Национ гвардийы æфсæдты Центрон зылды командыгæнæджы фыццаг хæдивæг).

Фембæлды райдайæны Битарты Вячеслав инæларæн арфæ ракодта, ног бæрнондæр бынатмæ йæ кæй снысан кодтой, уый фæдыл. Битары-фырт куыд фæнысан кодта, афтæмæй йæ зæрдæ дары, регионы цæрджыты æдасдзинад хъахъхъæныны хъуыддаджы Национ гвардийы æфсæдтæ амæй фæстæмæ дæр хъомысджын æмæ бæрнонæй кæй архайдзысты, ууыл.

Игор Гетманов республикæйы Сæргълæууæгæн бузныг загъта, Цæгат Ирыстон Национ гвардийы дæлхайæдтæн сæ архайды æппæтвæрсыг æххуыс кæй кæны, федералон службæ æмæ республикæйы ‘хсæн æмгуыстад æнгомдæр кæй кæны, уый тыххæй.

Фембæлды архайджытæ дарддæр æрдзырдтой æмархайды фæрстытыл. Фæбæрæг кæнын æмбæлы, инæлар-лейтенант Игор Гетманов «За отвагу», Суворовы номыл, «Фыдыбæстæйы раз сгуыхтдзинæдты тыххæй» ордены майдантæ, стæй æндæр паддзахадон хæрзиуджытæй хорзæхджын кæй æрцыд, уый. Уыимæ, инæларæн æнгом бастдзинæдтæ ис Цæгат Ирыстонимæ, 1992 азы каст фæци Орджоникидзейы уæлдæр æфсæддон командон училищæ.

Фембæлды архайдтой УФ-йы Национ гвардийы æфсæдты РЦИ-Аланийы управленийы разамонæг Рæмонты Эльбрус æмæ Национ гвардийы æфсæдты Цæгат Кавказы зылды дзæуджыхъæуккаг дæлхайады хицау, булкъон Александр Архипенко.

РЦИ-Аланийы Сæргълæууæджы æмæ РЦИ-Аланийы Хицауады пресс-службæ

 

ОСТАВЬТЕ ОТВЕТ

Please enter your comment!
Please enter your name here