Рахастой ахсджиаг уынаффæтæ

0
255

 

Знон Æрыдоны уыд РЦИ-Аланийы Муниципалон скондты советы семинар-æмбырд. Амыдта йæ советы сæрдар, Кировы районы сæргълæууæг НÆКУЫСАТЫ Барис. Архайдтой дзы Æрыдоны районы сæргълæууæг ТОТРАТЫ Владислав, республикæйы Сæргълæууæджы æххæстбарджын минæвар Советы Геннадий РОДИОНОВ, РЦИ-Аланийы финансты министры хæстæ æххæстгæнæг БУТАТЫ Хъасболат, нæ республикæйы паддзахадон исбонады æмæ зæххы ахастдзинæдты министр ТЕДЕТЫ Руслан æмæ æндæр бæрнон кусджытæ

 

Æмбырды архайджытæн Советы сæрдар фехъусын кодта Советы уæнгтæн, сæрмагонд фиддонтæ цавæр уагыл фиддзысты ног хуызы, уый, стæй Уæрæсейы Федерацийы Национ проекттæ 2019- 2024 азты нæ республикæйы районты царды куыд уагъд цæудзысты, ууыл дæр æрдзырдтой.

Боны фæткы фарстытыл дзургæйæ, РЦИ-Аланийы финансты министры хæстæ æххæстгæнæг Бутаты Хъасболат йе ‘ргом аздæхта бюджетон процесс æмæ бюджетты ‘хсæн ахастдзинæдтæ Республикæ Цæгат Ирыстон-Аланийы куыд æххæстгонд цæуынц, уымæ. Йæ доклады комкоммæ бацамыдта, ацы фарстмæ республикæйы районтæй хуыздæр каст кæм цæуы, уыдон.

УФ-йы Юстицийы министрады цæгатирыстойнаг управленийы хайады сæргълæууæг Хъулаты Дианæ та æрдзырдта муниципалон скондты уагæвæрдтæ паддзахадон регистраци æгъдауы кæныныл æмæ сæ барадон акттыл. Куыд загъта, афтæмæй муниципалон скондты уагæвæрдты цы хæстæ æмæ нысантæ амынд ис, уыдон бынæттон хиуынаффæйады администрациты разамонджытæ архайынц хъæуты æмæ горæтты цæрджытæм хæццæ кæныныл.

«РЦИ-Аланийы зæххы исбонадимæ баст ахастдзинæдты цы ахсджиаг фарстытæ ис, уыдоны тыххæй бæстон радзырдта Цæгæраты Иринæ, РЦИ-Аланийы Паддзахадон исбонад æмæ зæххы ахастдзинæдты министрады управленийы хицауы хæдивæг.

Æрыдоны районы Ветеранты советы сæрдар Бадриаты Мырзабег докладгæнæджы размæ сæвæрдта ахæм фарст: «Чи æмæ цæмæн райста æнæзакъонæй, фосхизæнтæ кæм уыд, уыцы фæзуæттæ, бирæ бинонтæн хæдзарон фос сæ исбонад, сæ хъæздыгдзинад куы у, уæд?»

Иууылдæр иузæрдион уыдысты Тотраты Владиславы хъæппæрисæй, Хъырымы цæрджытæм арфæйы фыстæг арвитыны тыххæй Уæрæсеимæ баиуы фондз азы бæрæгбоны фæдыл.

Æмбырды архайджытæ сæ куыстæй скодтой хатдзæгтæ, рахастой уынаффæтæ.

 ГУГКАТЫ Жаннæ Къамтæ систа ЦÆГÆРАТЫ Дауыт

ОСТАВЬТЕ ОТВЕТ

Please enter your comment!
Please enter your name here