Æвдыстой сæ арæхстдзинад

0
34

 

Знон фæсивæдон центр «Сæуæхсид»-ы уыд ирон аив дзырды дæсныты республикон конкурс. Уый арæзт æрцæуы æрвылаз дæр, РЦИ-Аланийы Ахуырад æмæ наукæйы министрады хъæппæрисæй. Фæрхайынц дзы республикæйы районты, хъæуты æмæ Дзæуджыхъæуы скъолаты ахуырдзаутæ, 1-æм къласæй 11-æм къласы онг.

Ацы аз конкурс баст уыд Иры номдзыд поэт Хетæгкаты Къостайы 160 азы юбилеймæ. Уымæ гæсгæ дзы йæ архайджытæ кастысты йæхи поэтикон æмæ прозаикон уацмыстæ æмæ йæ номыл фыст æмдзæвгæтæ. Сæ арæхстдзинадæн аргъ кодтой жюрийы уæнгтæ: РЦИ-Аланийы аивæдты сгуыхт архайæг, Хетæгкаты Къостайы паддзахадон премийы лауреат, зындгонд режиссер Бекъойты Розæ, Ахуыргæнджыты зонындзинæдтæ фылдæргæнæн республикон институты ирон æвзаг æмæ литературæйы кафедрæйы хистæр ахуыргæнæг Хозиты Эльвирæ, чиныгуадзæн «Ир»-ы сæйраг редактор Тъехты Тамерлан, ЦИППИ-йы ирон филологийы факультеты доцент Къæбулты Гаянæ.

Конкурс йæ раныхасæй байгом кодта, æппæт архайджытæн арфæйы ныхæстæ загъта ахуырад æмæ наукæйы министрады национ хайады сæргълæууæджы хæстæ æххæстгæнæг Суменаты Зæлинæ.

Конкурсы райдайæны хæлттæ æппæрст æрцыд, æмæ уыдонмæ гæсгæ сценæмæ цыдысты æмæ сæ арæхстдзинад æвдыстой конкурсы æппæт архайджытæ. Уыдон Къостайы æмдзæвгæтæ, прозаикон уацмыстæ, стæй йæхиуыл фыст æрмæг жюрийы уæнгты тæрхонмæ хастой, куыд сæхæдæг, афтæ ма видео æмæ музыкалон слайттæй пайда кæнгæйæ.

Ирон аив дзырды дæсныты конкурсæн жюрийы уæнгтæ скодтой хатдзæгтæ. Уæлахиздзаутæн саккаг кодтой Ахуырад æмæ наукæйы министрады Кады гæххæттытæ æмæ зæрдылдарæн лæвæрттæ.

ГАСАНТЫ Валерии

 

ОСТАВЬТЕ ОТВЕТ

Please enter your comment!
Please enter your name here