Хетæгкаты Оксанæ — журнал «Мах дуг»-ы сæйраг редактор

0
95

 

РЦИ-Аланийы Мыхуыры хъуыддæгты æмæ дзыллон коммуникациты комитеты сæргълæууæджы хæстæ рæстæгмæ æххæстгæнæджы уынаффæйæ Хетæгкаты Оксанæ Нодары чызг 2019 азы 19 мартъийы нысангонд æрцыд литературон-аивадон æмæ æхсæнадон-политикон æрвылмæйон журнал «Мах дуг»-ы сæйраг редакторæй

Хетæгкаты Оксанæ райгуырд 1980 азы Цæгат Ирыстоны Ставд-Дурты хъæуы. Каст фæци Цæгат Ирыстоны педагогон училищейы райдайæн ахуырады хайад æмæ Цæгат Ирыстоны Хетæгкаты Къостайы номыл паддзахадон университеты журналистикæйы факультет. 2006 азæй уыд газет «Рæстдзинад»-ы хистæр уацхæссæг, 2019 азы январæй ныры онг та — сæйраг редакторы хæдивæг. Уыцы иу рæстæг 2018 азæй кусы Æппæтдунеон æхсæнадон змæлд «Иры Стыр Ныхас»-ы прессслужбæйы сæргълæууæгæй.

2018 азы мыхуыры рацыд Оксанæйы чиныг-монографи Хуссар Ирыстон æмæ РЦИ-Аланийы адæмон артисткæ, поэт, публицист Галуанты Людмилæйы цард, сфæлдыстад æмæ æхсæнадон куысты тыххæй.

У УФ-йы Журналистты цæдисы уæнг, Хуссар Ирыстоны Джусойты Нафийы номыл литературон премийы лауреат.

ОСТАВЬТЕ ОТВЕТ

Please enter your comment!
Please enter your name here