Авд хохы цъуппы — туристон æвдисæндар

0
28

 

Цæгат Ирыстоны рæсугъд æрдз, йæ адæмон традицитæ æмæ æнæмæлгæ культурæ рагæй дæр адæмты æлвасынц сæхимæ. Хъыгагæн, цасдæр рæстæг туризмы къабаз Ирыстоны фæцудыдта æмæ уымæн ахоссæгтæ дæр ис. Нæ республикæмæ туристтæ æрбаздахыныл алывæрсыг куыст кæны Хицауад. РЦИ-Аланийы туризмы комитеты размæ ис бирæ нысантæ. Уæрæсейаг зындгонд дизайнертæ бадзырдмæ гæсгæ бакуыстой республикæйы ног туристон æвдисæндарыл. Знон скодтой æмбырд, архайдтой дзы туристон агентадты разамонджытæ, амалхъомтæ, дзыллон хабархæссæг фæрæзты минæвæрттæ. Амыдта йæ туризмы комитеты разамонæг ХЪОДЗАТЫ Зауырбег. Алкæмæн дæр фадат уыд, комитеты разамынд кæй сфидар кодта æмæ ныр уæрæхæй пайда кæнæн кæмæй уыдзæн, уыцы республикон æвдисæндар — авд хохы цъуппы, сæ иу бæрзонддæр, баиу сты зиллаккы хуылфы. Йæ бынмæ фыст «Ирыстон-Алани».

 

— Фыццаджыдæр архайдтам, цæмæй уа хуымæтæг æмæ зæрдылдаргæ. Къонверттæ, хызынтæ, ирон къоппытæ — кæмфæнды мыхуыргонд куы æрцæуа, уæддæр хъуамæ дзура ирыстойнаг «æвзагыл». Абонæй фæстæмæ дзы пайда кæныны бар ис, туризмы фарстытимæ баст чи у, уыдонæн, комитеты сæрмагонд сайтмæ бацæугæйæ. Нæ архайды сæйраг нысан у Цæгат Ирыстон æндæр адæмтæн дæр уарзон скæнын, равдисын махмæ уазæгыл æргомзæрдæйæ, цæхх æмæ кæрдзынимæ кæй æмбæлынц, уый, — фæнысан кодта Хъодзаты Зауырбег æмæ арфæйы ныхас загъта РЦИ-Аланийы информацион технологитæ æмæ бастдзинады управленийы разамонæг Сæлбиты Аланæн æмæ Артемий Лебедевы дизайн-студийæн сæ æмгуыстады тыххæй.

— Республикæйы разамынд се ‘ргом аздæхтой туризмы райрæзтмæ. Фæсивæдон къордтæ архайынц ацы къабаз раздæрау йæ къæхтыл слæууын кæныныл. Ис нæм бирæ гæнæнтæ. Иумæйаг хъарутæй куы бавналæм, уæд хъуыддаг сырæздзæн. Ис къуылымпыдзинæдтæ, ерыс, уыдоны сæрты ахизгæйæ, æддагон туристæн Ирыстон рæсугъд хуызы равдисын хъæуы. Абоны хъуыддаг дæр у стыр къахдзæф, чи йыл бакуыста, уыдонæн та бузныг, — загъта Сæлбиты Алан.

Алкæмæн дæр фадат уыд фарст раттын æмæ бæстон дзуапп райсынæн.

ГУГКАТЫ Жаннæ Къам систа ЦÆГÆРАТЫ Дауыт

ОСТАВЬТЕ ОТВЕТ

Please enter your comment!
Please enter your name here