Арфæтæ Республикæ Цæгат Ирыстон-Аланийы зынаргъ цæрджытæ!

0
28

 

Арфæ уын кæнын Культурæйы кусæджы боны фæдыл! Уырны мæ, ацы кадджын бæрæгбонмæ алчидæр бар кæй дары, уый, уымæн æмæ нырыккон адæймаджы удварны цардæн нæй гæнæн æнæ музыкæ, аивад, литературæ, театр. Уыдон хъæздыг кæнынц адæймаджы миддуне, хæстæгдæр æй кæнынц аивдзинадмæ, рæсугъддзинадмæ, сæ фæрцы адæймаг йæхи æнкъары амондджындæр.

Уæлдай арфæ кæнын, ацы бæрæгбон комкоммæ кæмæ хауы, уыдонæн — нæ актертæн, нывгæнджытæн, фысджытæн, кафджытæн, библиотекæтæ æмæ музейты кусджытæн. Цæгат Ирыстоны хъæздыг культурон бынтæ æмæ удварны хæзнатæ дзыллæтæм хæссæг, сæ æнæзæрдæхудт, сфæлдыстадон, рухстауæг архайды тыххæй уыдон сты зæрдæбын арфæты аккаг.

Се сфæлдыстад адæмæн æвдисгæйæ, сæ ног уацмыстимæ сæ зонгæ кæнгæйæ, культурæйы дæснытæ сæ вазыгджын куыст æххæст кæнынц бæрзонд профессионалон æмвæзадыл, æмæ афтæмæй адæмы зæрдæты базмæлын кæнынц æппæты хуыздæр æмæ рæсугъддæр æнкъарæнтæ.

Хъæздыг миддунейы хицау адæймаг цæттæ у æнтыстджын æмæ разæнгард куыстмæ, æмæ уый дæр дзурæг у культурæйæн йæ ахсджиагдзинадыл. Сфæлдыстадон дæсныйады минæвæрттæй аразгæ у, нæ бæстæйы экономикæйы нывылад, Цæгат Ирыстоны æххæстгонд чи цæуы æмæ стыр æргом здæхт кæмæ цæуы, уыцы паддзахадон политикæ царды уадзыны хъуыддаг.

Культурæйы æппæт дæснытæн æмæ минæвæрттæн сæ бæрæгбоны мæ зæрдæ зæгъы фидар æнæниздзинад, амонд æмæ нæ бирæнацион республикæйы удварны хъæздыгдзинад фылдæр кæныны хъуыддаджы ног æнтыстытæ!

БИТАРТЫ Вячеслав, Республикæ Цæгат Ирыстон-Аланийы Сæргълæууæг

ОСТАВЬТЕ ОТВЕТ

Please enter your comment!
Please enter your name here