Республикæ Цæгат Ирыстон-Аланийы социалон-экономикон уавæр 2018 азы

0
66

Промышленнон куыстад

2018 азы хисæрмагонд куыстады æмæ хисæрмагонд тыхтæй конд куыстыты æмæ лæггæдты гуырахст пайдайаг къахинæгтæ амал кæныны æппæт организациты рауад 680,9 милуан сомы (ныры æргътæй, кæнæ 103,4 проценты 2017 азы æмвæзадмæ), хомаггуыстгæнæг куыстæдты — 19254,0 милуан сомы (70,4 проценты), электрон тыхæй, газ æмæ дондæфæй æфсадæг куыстæдты, уæлдæф уымæл æмæ сыгъдæг кæныны — 70800, милуан сомы (102,7 проценты), донæфсисады, дон иуварсмæ здахыны æмæ æппарæццæгтæ æмбырд кæныны æмæ æфснайыны архайды — 1392,0 милуан сомы (90,2проценты).

 

Промышленнон куыстады бæрц

2018 азы промышленнон куыстады бæрц организациты æххæст зиллаччы 2017 азы æмвæзадмæ рауад 91,1 проценты. Пайдайаг къахинæгтæ амал кæныны Куыстады бæрц фæфылдæр ивгъуыд азы æмвæзадæй æмæ рауад 111,3 проценты доломиты, чъырдуры æмæ æнæрзæт арæзтадон æрмæджыты куыстадтæ сырæзыны руаджы.

 

Хомаджы куыстад

Ивгъуыд азы хомаггуыстгæнæг куыстуæтты куыстады бæрц рауад 90,9 проценты маргъы дзидза 11,2 проценты къаддæр рауадзыны тыххæй, туагæхсыры продукттæ — 8,1 проценты, спъирт — 0,4 проценты, коньяк — 42,4 проценты, водкæ — 49,1 проценты, æнæкарз нуазинæгтæ — 4,6 проценты, рудзынгæмбæрзæнты хъуымац — 8,7 проценты, сондоны туагад — 18,5 проценты, æлыгæй конд агуыридуртæ — 17,4 проценты, товарон бетон — 4,8 проценты æмæ æндæрты. Къалбæсты рауагъд фæфылдæр 16 проценты, дзидзайы æрдæгфабрикатты — 16 проценты, цыхтыты — 5 проценты, нæлхæйы — 19,8 проценты, сæлдæджы — 27,4 проценты, адджинæгты — 4,7 проценты, фынкгæнаг æмæ шампайнаг сæнты — 2 хатты, бæгæныйы — 7 проценты, суæртты — 13,1 проценты, полимерон тæнцъæртты — 8,4 проценты, пластмассæйæ конд дуæртты блокты — 7,9 проценты, æмбырдгонд арæзтадон блокты æмæ æндæр дзаумæтты — 3,5 проценты, стъолты — 35,6 проценты, бандæтты — 34,3 проценты.

 

Электрон тыхæй, газ æмæ дондæфæй æфсисад; уæлдæф уымæл æмæ сыгъдæг кæнын

2018 азы, 2017 азы ацы рæстæгимæ абаргæйæ, куыстады бæрц рауад 93,5 проценты. Электрон тыхы куыстад сырæзт 9,2 проценты, хъармы фæкъаддæр 13,2 проценты.

 

Донæфсисад: донздахынад, æппарæццæгтæ æмбырд кæнын æмæ æфснайын, чъизидзинæдтæ иуварс кæныны архайд

2018 азы куыстады бæрц, ивгъуыд азимæ абаргæйæ, рауад 81,6 проценты.

 

Арæзтад

Республикæйы 2018 азы экономикæ æмæ социалон къабазы рæзты исбонады æппæт хуызты куыстуæттæ æмæ организацитæ бындурон капиталмæ ныры æргътæм гæсгæ инвестицитæй спайда кодтой 31887,3 милуан сомæй, кæнæ 2017 азы æмвæзадæй 102,4 проценты фылдæр.

«Арæзтад»-ы архайды хуызты куыстыты гуырахст 2018 азы январы-декабры рауад 19183,5 милуан сомы, кæнæ 2017 азы æмвæза- дæй 14,8 проценты уæл- дæр. 2018 азы арæзт æрцыд, сæ иумæйаг фæзуат 209,9 мин квадратон метры кæмæн у, ахæм 2862 фатеры. Уый у 2017 азы æмвæзадæй 9,2 проценты фылдæр. Хицæн адæймæгтæ кæй сарæзтой, уыцы цæрæнуæтты хай æппæт цæрæнуæтты гуырахсты рауад 21,6 проценты (45,3 мин квадратон метры кæнæ 102,4 проценты 2017 азы æмвæзадмæ).

2018 азы арæзт æрцыдысты: Дыгуры районы стурвосы бынат 0,5 мин сæры фаг; Кировы районы — хосæфснайæн бынат уыцы- иу рæстæг 0,1 мин тоннæйы æвæрынæн; Алагиры районы стурвосы бынат 0,2 мин сæры фаг, хуыты бынат 0,1 мин сæры фаг, хоры мыггæгтæ æфснайæн уыцы-иу рæстæг 0,1 мин тоннæйы æфснайынæн, халсартæ æмæ дыргътæ æфснайæн уыцы-иу рæстæг 0,1 тоннæйы æфснайынæн, йæ дæргъ 14,1 метры кæмæн у, ахæм хид, 1 радиотелевизион ретранслятор; Горæтгæрон районы фысты бынат 0,1 мин сæры фаг. Уымæй уæлдай арæзт цыдысты бастдзинады радиорелейон линитæ 292,2 километры, чырæгджын бастдзинады 13 антеннæ-мачтæйы бастдзинады фæскъауджын оптикон линитæ 104,4 километры, рацарæзты фæстæ скуыстой федералон автомобилон фæндæгты 0,9 километры.

Кусын райдыдтой: базарадон фæзуæттæ 13,3 мин квадратон метры, фæндаггон лæггæдты 3 комплексы, артагуадзæн станцæтæ — 2, капиталон гаражтæ — 43 машинæбынатæн, йæ иумæйаг фæзуат 864 квадратон метры кæмæн у, ахæм базарадон — ирхæфсæн центр, базарадон-офисон центртæ — 5741 квадратон метры, иумæйагтоварон скълæдтæ — 9,4 мин квадратон метры, æхсæнадон хæлцады куыстуæттæ — 700 адæймаджы фаг, физкультурон-æнæнизгæнæн комплекстæ — 2, æндæр спортивон арæзтæдтæ — 12302,3 квадратон метры. Арæзт æрцыдысты æмæ кусынц донуадзæн хызты 14,9 километры. Адонæй рацарæзты фæстæ — 8,2 километры, хъæууон бынæтты — 6,7 километры æмæ газы хызтæ — 49,3 километры.

Уымæй уæлдай скъола 360 скъоладзауæн арæзт æрцыд Кировы районы, сывæллæтты 2 рæвдауæндоны — Рахизфарсы районы, сывæллæтты 1 рæвдауæндон — Алагиры районы 120 бынатæн. Сывæллæтты ахæм рæвдауæндон арæзт æрцыд Æрæфы районы дæр, Дзæуджыхъæуы та, 276 сынтæджы кæм ис, ахæм ног рынчындон æмæ поликлиникæ

 

Фæллойы базар

Республикæйы куыстуæттæ æмæ организациты рæстæм- бис номхыгъдон бæрц (æххæст зиллаччы) 2018 азы январы- декабры рауад 119,8 мин адæймаджы, æмæ, ивгъуыд азы ацы рæстæгимæ абаргæйæ, фæфылдæр 0,1 проценты.

РЦИ-Аланийы Адæмæн куыст дæттыны комитеты бæрæггæнæнтæм гæсгæ, 2018 азы кæронмæ куыстагурæг граждæнты, хыгъды чи лæууы æмæ фæллойадон архайдыл хæст чи нæу, уыдоны иумæйаг нымæц рауад 7,3 мин адæймаджы. Адонæй æгуысты официалон статус уыдис 7,3 мин адæймагмæ. Уый афæдз раздæрæй у 14 проценты къаддæр.

2018 азы кæронмæ æгуыст адæмы, пособи чи исы, уыдоны нымæц, ивгъуыд азимæ абаргæйæ, фæкъаддæр 13,2 проценты æмæ рауад 5,9 мин адæймаджы.

Куыстуæттæ æмæ организацитæ 2018 азы кæронмæ, цас кусджытæ сæ хъæуы, уый тыххæй цы бæрæггæнæнтæ радтой, уыдон рауадысты 999 адæймаджы, ныхмæ — 956 адæй- маджы ивгъуыд азы ацы рæстæгмæ.

 

Хъæууон хæдзарад

Арæзтад Хъæууон хæдзарады продукцийы гуырахст æппæт хъæууонхæдзарадон куыстуæтты (хъæууонхæдзарадон организацитæ, зæхкусджытæ (фермерон) хæдзарæдтæ, цæрджытæ) рагагъоммæйы бæрæггæнæнтæм гæсгæ, 2018 азы ныхмæвæрд аргъгондæй, ивгъуыд азимæ абаргæйæ, фæфылдæр 15,7 проценты æмæ рауад 25814,0 милуан сомы

 

Зайæгойты куыстад

2018 азы æппæт къæпхæнты хæдзарæдты хор найгонд æрцыд 763,8 мин тоннæйы. Уый 2017 азæй у 20,1 процен- ты фылдæр, картоф къахт æрцыд 99,3 мин тоннæйы (2017 азæй 58,3 проценты фылдæр), халсартæ гом æмæ æхгæд зæххыты æмбырдгонд æрцыд 28,4 мин тоннæйы (47,6 проценты фылдæр). Хоры æмæ хорыхъæдуры культурты бын- дурон хай (61,6 проценты) æмæ картофы (39,5 проценты) æрзад хъæууонхæдзарадон организациты, халсартæ-цæр- джыты хæдзарæдты (41,3 проценты)

 

Фосдарынад

2018 азы декабры кæ- ронмæ æппæт къæпхæн- ты хæдзарæдты хыгъдон бæрæггæнæнтæм гæсгæ стурвос уыдис 89,5 мин сæры (афæдз раздæрæй 7,3 проценты фылдæр). Адонæй хъуццытæ — 34,1 мин сæры (ивгъуыд азы æмвæзады), хуытæ — 16,8 мин сæры (33,3 про- центы къаддæр), фыстæ æмæ сæгътæ — 75,4 мин сæры (27,9 проценты фылдæр), мæргътæ — 981,4 мин сæры (22,1 проценты къаддæр).

Фосы нымæцы бынду- ры цæрджыты хæдза-рæдты стурвос уыдис 76,5 проценты, хуытæ — 98,9 проценты, фыстæ æмæ сæгътæ (2017 азы ахæм ранымадæй) — 78,5 проценты, 97,6 проценты, 55,5 проценты. Хъæууонхæдзарадон организациты 2018 азы декабры кæронмæ, 2017 азы ацы рæстæгимæ абаргæйæ, стурвосы ны- мæц фæфылдæр 12,8 проценты, хъуццыты — 3,7 проценты, фыстæ æмæ сæгъты — 13,7 про- центы, мæргъты нымæц фæкъаддæр 8,1 процен- ты, хуыты нымæц куы- нæггонд æрцыд. 2018 азы æппæт къæп- хæнты хæдзарæдты (хыгъдтæм гæсгæ) æр- гæвдынмæ хæсгæ фос æмæ мæргъты рауагъд удæгас уæзæй) рауад 32,5 мин тоннæйы, æх- сыр — 155,0 мин тон- нæйы, æйчытæ — 69,2 милуан айчы. Хъæууонхæдзарадон организациты 2019 азы 1январмæ, 2018 азы 1 январимæ абаргæйæ, æргæвдынмæ хæсгæ фос æмæ мæргъты рауагъд (удæгас уæзæй) фæфылдæр 0,6 проценты, æхсыры рауагъд — 4,8 проценты, æйчыты рауагъд фæкъаддæр 26,2 проценты. Хъуг цалынмæ æхсыр кæна, уæдмæ дзы хъæууонхæдзарадон организациты 2018 азы январыдекабры дыгъд æрцыд 5268 килограммы (2017 азы январы-декабры — 5119 килограммы)

 

 

Демографии

2018 азы республикæйы цæрджыты нымæц фæкъаддæр 2448 адæймаджы. Хыгъд æрцыд 9095 ноггуырды. Уый 2017 азæй у 1,1 проценты фылдæр. Чи амард, уыдоны нымæц фæныллæгдæр 1,7 проценты æмæ рауад 7031 адæймаджы. Уымæ гæсгæ цæрджыты æрдзон рæзт рауад 2064 адæймаджы (2017 азы — 1841 адæймаджы).

Чи амард, уыдоны иумæйаг нымæцæй 37 адæймагыл (кæнæ 0,5 проценты) афæдз нæ сæххæст. Сывæллæтты мæлæты коэффициент 2018 азы, 2017 азимæ абаргæйæ, фæныллæгдæр 24,1 проценты æмæ æмхуызон рауад 4,1 амæлæгимæ афæдзы кары онг 1000 æгасæй райгуырæджы хыгъдмæ.

2018 азы республикæйы фидаргонд æрцыд 3316 къайады, хæлд — 1680 къайады. Фидаргонд къайæдты нымæц, 2017 азимæ абаргæйæ, фæныллæгдæр 5,4 проценты, хæлд къайæдты — 7,6 проценты.

Республикæйы цæрджыты миграцион ацыд 2018 азы рауад 4512 адæймаджы, ныхмæ — 3271 адæймаджы 2017 азы. Цæрджыты миграцион ацыд баст у цæрджыты ацыдимæ Уæрæсейы Федерацийы æндæр регионтæм. РЦИ-Аланийы Мидхъуыддæгты министрады миграцион фарстаты управленийы бæрæггæнæнтæм гæсгæ, РЦИ-Аланийы территорийыл 2019 азы 1 январмæ хыгъд æрцыд 4537 лыгъд æмæ æнæбары ралидзæджы (2018 азы 1 январмæ сæ нымæц уыд 5911 адæймаджы).

Æппæты фылдæр лыгъд æмæ æнæбары ралидзæджы æрбафтыд Гуырдзыстонæй — 4251 адæймаджы (93,7 проценты) æмæ Таджикистанæй — 124 адæймаджы (2,7 проценты).

 

 

Фæлхасадон базар

 

Розницæйы базарады зилдух 2018 азы рауад 114557,7 милуан сомы æмæ, ивгъуыд азимæ абаргæйæ, ныхмæвæрд æргътæй сырæзыд 2,5 проценты.

Фæлхасадон организациты æмæ хисæрмагонд амалхъомты розницæйы базарады зилдух 2018 азы слæууыд 87066,7 милуан сомы. Уый ивгъуыд азы æмвæзадæй у 3 проценты уæлдæр. Фæлхасадон организациты æмæ хисæрмагонд амалхъомты хай розницæйы базарады зилдухы рауад 76 проценты (2017 азы — 75,6 проценты).

Розницæйы базарты æмæ армукъаты товартæ уæйгонд æрцыд 27491 милуан сомы аргъ. Уый ивгъуыд азы æмвæзадæй у 0,7 проценты уæлдæр. 2018 азы розницæйы базарады зилдухы бындуры хойраджы продуктты хайон уæз, нуазинæгтæ æмæ сæм тамако бафтаугæйæ, рауад 47,8 проценты, æнæхойраджы товарты — 52,2 проценты (2017 азы ахæм ранымадæй 48,4 проценты æмæ 51,6 проценты).

Хойраджы товартæ, нуазинæгтæ æмæ ма сæм тамако бафтаугæйæ, 2018 азы цæрджытæн уæйгонд æрцыд 54788,3 милуан сомы аргъ, æнæхойраджы товартæ — 59769,4 милуан сомы аргъ. Товарон бæрцы уыдон ахæм ранымадæй рауадысты 102,6 проценты æмæ 102,3 проценты ивгъуыд азы æмвæзадмæ.

2018 азы карз нуазинæгтæ æмæ бæгæны уæйгонд æрцыд 1531,9 милуан сомы аргъ. Уый ныхмæвæрд æргътæй 2017 азæй у 6,5 проценты фылдæр. Карз нуазинæгтæ уæй кæныны хайон уæз розницæйы базарады зилдухы ивгъуыд азы хуызæн рауад 1,3 проценты. 2018 азы декабры кæронмæ розницæйы товарты гуырахст рауад 3815,4 милуан сомы, фæстауæрцгонд товарты æмвæзад — 71 боны фаг.

Æхсæнадон хæлцады зилдух 2018 азы рауад 4313,6 милуан сомы кæнæ 90,4 проценты (ныхмæвæрд æргътæй) 2017 азы æмвæзадмæ.

 

 

Царды æмвæзад æмæ адæмы æфтиæгтæ

2018 азы рæстæмбис нымадæй иу адæймаджы æхцайы æфтиæгтæ слæууыдысты 22784,9 сомы мæймæ. Цæрджыты æхцайы номиналон æфтиæгтæ 2018 азы рауадысты 191875,9 милуан сомы, æмæ, 2017 азимæ абаргæйæ, фæкъаддæр сты 0,1 проценты.

Цæрджыты æхцайы хæрдзтæ ахæм ранымадæй сты 163573,8 милуан сомы æмæ 3,1 проценты. Æхцайы æфтиæгты уæлдæрдзинад хæрдзтæй рауад 28302,0 милуан сомы.

Æхцайы æфтиæгты иумæйаг гуырахстæй 2018 азы цæрджытæ товартæ æлхæныныл æмæ лæггæдтыл бахардз кодтой 76,9 проценты, æнæмæнг фиддонтыл — 7,6 проценты, валютæ æлхæныныл — 0,7 проценты. Физикон адæймæгты — амалхъомты фæрæзты ивддзинæдтæ сæ хыгъдты рауадысты 2,5 проценты.

Республикæйы куыстуæттæ æмæ организацитæ сæ кусджытæн кæй бахыгътой, уыцы рæстæмбис куысты мызд (æнæ материалон æх- хуысæй æмæ, социалон ми- ниуæг кæмæн ис, æнæ ахæм бафыстæй) 2018 азы январы-декабры (æххæст зиллаччы), ивгъуыд азы ацы рæстæгимæ абаргæйæ, сырæзыд 9,9 проценты.

Æцæг куысты мызды бæрц, фæлхасадон æргъты бæрц хынцгæйæ, 2018 азы январы-декабры, ивгъуыд азы ацы рæстæгимæ абаргæйæ, рауад 107,5 проценты.

 

Барадхæлдтытæ

Республикæйы Мид- хъуыддæгты министрады бæрæггæнæнтæм гæсгæ, 2018 азы хыгъд æрцыд 7,2 мин фыдракæнды. Уый 2017 азы ацы бæрæггæнæнæй у 0,8 проценты уæлдæр. Фыдракæндты бындуры 34,9 проценты сты исбонады ныхмæ фыдракæндтæ. Сæ нымæц, ивгъуыд азы ацы рæстæгимæ абаргæйæ, сырæзыд 9,9 проценты. Адæймаджы ныхмæ фыдра- кæндтæ рауадысты 547 кæнæ ивгъуыд азы æмвæза- дæй 9,4 проценты дæлдæр.

2018 азы, ивгъуыд азимæ абаргæйæ, фæфылдæр лæгмæрдты æмæ лæг ама- рыныл фæлвæрдты нымæц (90,9 проценты), фæлывд миты (10,7 проценты), дæвдтыты (6,7 проценты), барæй æнæниздзинадæн уæззау знаггад ракæныны фыдракæндтæ (1,9 процен- ты).

Уыцы-иу рæстæг фæкъаддæр тыхмиты æмæ тыхми бакæныны фæлвæрдты нымæц (37,5 про- центы), тыхдомдтыты (52,9 проценты), фатерты къæхтытæ (39,8 проценты), æхсæнадон æгъдау хæлдтытæ æмæ стыгъдтыты нымæц (33,3 проценты).

3,1 проценты къаддæр хыгъд æрцыд, уæззау æмæ уæлдай уæззау фыдракæндтæм ахæссæн кæмæн ис, ахæм фыдракæндтæ. Адоны хайон уæз фыдракæндты иумæйаг нымæцы рауад 25 проценты.

2018 азы фыдракæндтæ чи сарæзта, ахæмтæ бæрæггонд æрцыд 4,3 мин адæймаджы. Уый ивгъуыд азы æмвæзадæй у 0,6 проценты фылдæр. Бæрæггонд чи ‘рцыд, уыдонæй сылгоймæгтæ уыдысты 13,1 проценты, æнахъомтæ — 1,4 проценты. Иудадзыг æфтиаджы гуырæн кæмæн нæй, уыцы адæймæгты архайд фыдракæндты фæныллæгдæр 1,4 проценты. Бынæт- тон цæрджытæ фыдгæнджыты æхсæн рауадысты 90,6 проценты. Бæрæггонд чи ‘рцыд, уыцы фыдгæнджытæй 53,3 проценты ма раздæр сарæзтой фыдракæндтæ. 2018 азы январы- декабры фыдракæндты рар- гомдзинад рауад 74,5 про- центы. (2017 азы — 75,1 процент

 

Паддзахадон Статистикæйы федералон службæйы РЦИ-Аланийы территориалон оргæн

 

 

ОСТАВЬТЕ ОТВЕТ

Please enter your comment!
Please enter your name here