Национ гвардийы æфсæдты бæрæгбон

0
57

 

Æртæ азы æххæст кæны Национ гвардийы æфсæдты федералон службæ саразыныл. Уыцы цауы фæдыл кадджын мадзæлттæ знон цыдысты Дзæуджыхъæуы. Цæгат Ирыстоны гвардионтæ сæ бæрæгбонмæ æрæмбырд сты Сæрибары фæзмæ. Уым сын уыд бæрæгбоны парад.

Кадджын æмбырды архайдтой Республикæ Цæгат Ирыстон-Аланийы Сæргълæууæг Битарты Вячеслав, республикæйы Парламенты Сæрдар Алексей Мачнев, Национ гвардийы æфсæдты федералон службæйы РЦИ-Аланийы управленийы хицау Рæмонты Эльбрус, Цæгат Ирыстоны мидхъуыддæгты министр Михаил Скоков, республикæйы Ветеранты советы сæрдар Къаболаты Солтан, Дзæуджыхъæуы архиепископ фыд Леонид, Дзæуджыхъæуы бынæттон хиуынаффæйады администрацийы разамонæг Æлбегаты Барис, æхсæнадон организациты минæвæрттæ.

Гвардионтæн сæ бæрæгбоны фæдыл арфæ ракода Битарты Вячеслав.

«Сымах æххæст кæнут бæрнон хæстæ æхсæнадон фæтк хъахъхъæныны хъуыддаджы, не ‘мбæс тæгты æдасдзинадæн аразут ахадгæ мадзæлттæ. Æфсæддон ардбахæрдыл æнувыд уæвгæйæ, сымах стут бæстæйы фидар ныфс, Фыдыбæстæ хъахъхъæнджыты хистæр фæлтæрты кад дарддæр хæццæ кæнут», — загъта Битары-фырт.

Арфæйы раныхæсты фæстæ Национ гвардийы дæлхайæдтæн уыд парад. Архайдтой дзы 49-æм оператовон нысаниуæджы сæрмагонд бригадæйы, 362-æм æмæ 383- æм оперативон нысаниуæджы батальонты, сæрмагонд нысаниуæджы къорды, æнæведомствæйон хъахъхъæнынады, бастдзинады сæрмагонд батальон æмæ æндæр дæлхайæдты службæгæнджытæ.

Уый фæстæ бæрæгбоны мадзæлттæ адарддæр сты Евгений Вахтанговы номыл Уырыссаг академион театры. Битарты Вячеслав æмæ Алексей Мачнев ноджыдæр ма иу хатт арфæ ракодтой Национ гвардийы службæгæнджытæн . Управленийы минæвæртты иу къордæн та саккаг кодтой хæрзиуджытæ. Зæгъæм, РЦИ-Аланийы Кады грамотæтæй хорзæхджынгонд æрцыдысты æнæведомствæйон хъахъхъæнынады управленийы пресс-службæйы бæрнон кусæг Æмбалты Зæринæ, æнæведомствæйон хъахъхъæнынады управленийы лицензион куысты центры хицауы хæдивæг Гæбуты Хъазыбег, Дзæуджыхъæуы æнæведомствæйон хъахъхъæнынады батальоны хицауы хæдивæг Джиголаты Гермæн, æфсæддон хай 3773-йы службæгæнджытимæ куысты къорды хицау Дзидаханты Давид, æфсæддон хай 3773-йы организацион хайады хæдивæг Хъæцмæзты Руслан æмæ æнæведомствæйон хъахъхъæнынады управленийы пъæлицæйы полчъы хицау Моститы Алыксандр.

Гвардионты стыр къордæн та саккаг кодтой ведомствæйон хæрзиуджытæ.

Уый фæстæ республикæйы сфæлдыстадон коллектитæ æмæ хицæн артисттæ бæрæгбоны архайджытæн равдыстой стыр концерт.

Зындгонд куыд у, афтæмæй Национ гвардийы æфсæдты федералон службæ арæзт æрцыд Уæрæсейы Президенты Указæй 2016 азы 5 апрелы.

 РЦИ-Аланийы Сæргълæууæджы æмæ РЦИ-Аланийы Хицауады пресс-службæ

ОСТАВЬТЕ ОТВЕТ

Please enter your comment!
Please enter your name here