Ныхас — республикӕйы инвестицион проекттыл

0
29

Мӕскуыйы кусӕг балцы уӕвгӕйӕ, Цӕгат Ирыстоны Сӕргълӕууӕг Битарты Вячеславӕн фембӕлд уыд Цӕгат Кавказы хъуыддӕгты фӕдыл министр Сергей Чеботаревимӕ. Ныхасы архайджытӕ ӕрдзырдтой Цӕгат Ирыстоны социалон-экономикон райрӕзты фарстытыл, стӕй республикӕйы инвестицион проекттӕ ӕххӕст кӕныныл.

Зындгонд куыд у, афтӕмӕй республикӕйы ӕххӕстгонд цӕуынц 50 алыхуызон национ программӕ ӕмӕ проекты. Нысан афтӕ ӕвӕрд цӕуы, цӕмӕй уыдоны фӕрцы зынгӕ фӕхъомысджындӕр уа ӕнӕниздзинад хъахъхъӕнынады, ахуырады, транспорты, экологи ӕмӕ республикӕйы иннӕ къабӕзты уавӕр.

Сергей Чеботарев ӕмӕ Битарты Вячеслав сӕрмагонд ӕргом аздӕхтой республикӕйы сӕйрагдӕр инвестицион проекттӕ ӕххӕст кӕнынмӕ. Сӕрмагонд федералон кусӕг къорд уыцы проекттӕ хорзыл банымадта, ныр ӕххӕстгонд цӕудзысты Цӕгат Кавказы рӕзты сӕрмагонд паддзахадон программӕйы фӕлгӕты.

Боны фӕткы уыд ӕндӕр ахсджиаг фарстытӕ дӕр.

РЦИ-Аланийы Сӕргълӕууӕджы

ӕмӕ Хицауады пресс-службӕ

ОСТАВЬТЕ ОТВЕТ

Please enter your comment!
Please enter your name here