Лӕмбынӕгдӕр цӕстдард хъӕуы

0
13

Ӕппӕтуӕрӕсеон адӕмон фронты цӕгатирыстойнаг хайады активисттӕ Дзӕуджыхъӕуы администрацийӕн бафӕдзӕхстой бирӕфатерон хӕдзӕртты кӕртытӕ аив кӕныны куыстытӕм цӕстдард фӕлӕмбынӕгдӕр кӕнын.

Сӕ аивгӕнӕн куыстытӕ кӕй ныддӕргъвӕтин сты,  уымӕй  хъаст кӕнынц хӕдзӕртты цӕрджытӕ. Адӕмон фронты уӕнгтӕ цалцӕггӕнинаг кӕртыты уавӕрмӕ ӕркастысты, стӕй бынӕттон цӕрджытимӕ аныхас кодтой ӕмӕ ӕрцыдысты ахӕм хатдзӕгмӕ.

— Кӕртытӕ цалцӕггӕнӕн куыстытӕ иуӕй-иу рӕтты цӕуынц рӕвдздӕр, иннӕ рӕтты та — сындӕгдӕр.  Зӕронд асфальт  систой  Щукинты ӕфсымӕрты уынджы 61-ӕм ӕмӕ 61-ӕм «а» хӕдзӕртты  кӕртыты, ӕмӕ дзы фӕндагаразджытӕ мӕйӕ фылдӕр нал кусынц.  Къӕвда куы ‘рцӕуы, уӕд бӕстӕ сцъыф вӕййы.

Кольбусы уынджы 42-ӕм ӕмӕ 44-ӕм, стӕй Брытъиайы-фырты уынджы 23-ӕм хӕдзӕртты кӕртыты дӕр сӕвзӕрд ӕвзӕр  уавӕр. Бородинскийы уынджы 25-ӕм ӕмӕ 25-ӕм «а» хӕдзӕртты кӕртыты асфальт   ӕмӕ бордюртӕ  баивтой, фӕлӕ дзы фӕхсбандӕттӕ ӕмӕ урнӕтӕ нӕ сӕвӕрдтой. Цырӕгътӕ дӕр сты банывылгӕнинаг.

— Ахӕм уавӕр кӕй сӕвзӕры, уым аххосджын  канд фӕндагаразджытӕ не сты,  фӕлӕ ма цӕстдарӕг оргӕнтӕ дӕр, бӕлвырддӕр зӕгъгӕйӕ  та, горӕты администраци. Куыстытӕ ӕххӕст кӕныны ӕмгъуыд кӕй ныддӕргъвӕтин вӕййы, уый зындзинӕдтӕ ӕвзарын кӕны адӕмӕн, стӕй цалцӕггӕнӕн куыстыты хӕрзхъӕддзинадыл дӕр фӕбӕрӕг вӕййы, — зӕгъы Адӕмон фронты регионалон штабы уӕнг Александр Купцов.

Ацы аз федералон проект «Удӕнцой горӕтаг уавӕрты арӕзтад»-мӕ гӕсгӕ республикӕйы  банывыл кӕнынмӕ хъавынц бирӕфатерон хӕдзӕртты 61 кӕрты, уыдонӕй 49 — Дзӕуджыхъӕуы. Проекты  бюджет у 236 милуан сомы (210 милуаны — федералон бюджеты ӕхцатӕ).

Бӕдтиаты Оксанӕ

ОСТАВЬТЕ ОТВЕТ

Please enter your comment!
Please enter your name here