Фыццаградон программӕтӕ: цӕмӕй мӕгуырдзинадӕн бынат ма уа

0
11

РЦИ-Аланийы Сӕргълӕууӕг Битарты Вячеслав дзы сӕрдариуӕг кодта, афтӕмӕй уыд республикӕйы проектон офисы радон ӕмбырд. Фембӕлды архайджытӕ ӕркастысты «Мӕгуырдзинадимӕ тох»-ы фыццаградон программӕйы проекттӕй иумӕ.

Цӕгат Ирыстоны Рӕзты агентады разамонӕг Плиты Алыксандр куыд радзырдта, афтӕмӕй программӕйы фӕлгӕты фыццаг проект ӕххӕстгонд цӕудзӕн Рахизфарсы районы Раздзоджы хъӕуы. Агентады разамонӕджы ныхасмӕ гӕсгӕ, уӕлӕмхасӕн паддзахадон ӕххуысы мадзӕлттӕ ацы хъӕуы цӕрджытӕн уӕлдай ахсджиагдӕр уыдзысты, уымӕн ӕмӕ дзы куыстадон объекттӕ бынтондӕр нал баззад. Уыцы ӕууӕл та, кӕй зӕгъын ӕй хъӕуы, йӕ фӕдыл расайы ӕгуыстдзинады бӕрзонд къӕпхӕн.

Хъӕуы цӕрджыты уавӕр фӕхуыздӕр кӕныны нысанимӕ Рӕзты агентад бацӕттӕ кодта сӕрмагонд проект. Куыд нысангонд цӕуы, афтӕмӕй фыццаг къӕпхӕны комкоммӕ мадзӕлттӕ арӕзт ӕрцӕудзӕн, цӕмӕй бынӕттон цӕрджыты хи хӕдзарӕдтӕ хъомысджын архайд кӕной. Проекты уагӕвӕрдтыл бакуыстой Цӕгат Ирыстоны Экономикон рӕзты министрады специалисттӕ. Фыццаджы-фыццагдӕр ӕргом здӕхт ӕрцӕудзӕн ӕхсыр ӕмӕ дзидзайы куыстад рапарахат кӕнынмӕ. Проекты фӕлгӕты бынӕттон 30 бинонтӕн радих кӕндзысты сӕрмагонд паддзахадон ӕххуыс.

Программӕйы уагӕвӕрдтыл ӕрдзургӕйӕ, Битарты Вячеслав фӕндон бахаста, цӕмӕй мӕгуырдзинадимӕ тохы проектты иуӕй-иу уагӕвӕрдтӕ бӕстондӕргонд ӕрцӕуой — бӕлвырд дзы хъуамӕ бӕрӕггонд уа, хъӕугӕ ӕхцайы фӕрӕзтӕ кӕцы гуырӕнтӕй ист цӕудзысты, хъӕууонхӕдзарадон продукци кӕдӕм ӕрвитдзысты ӕмӕ афтӕ дарддӕр. Уымӕй уӕлдай, республикӕйы разамонӕг Хъӕууон хӕдзарад ӕмӕ хойраджы министрадӕн бахӕс кодта, цӕмӕй хъӕууон кооперацийы райрӕзтӕн уӕлӕмхасӕн мадзӕлттӕ сараза.

Зындгонд куыд у, афтӕмӕй Уӕрӕсейы Президент Владимир Путин 2018 азы майы цы Указ бафыста, уымӕй регионты разамонджыты размӕ сӕвӕрдта бӕлвырд нысан — 2024 азы онг мӕгуырдзинады къӕпхӕн хъуамӕ дыууӕ хатты фӕкъаддӕр уа. Уыцы Указы бындурыл регионтӕ цы программӕтӕ бацӕттӕ кодтой, уыдон ахъаз уыдзысты цыбыркъух бинонты нымӕц фӕкъаддӕр кӕнынӕн, стӕй Уӕрӕсейы цӕрджыты ӕфтиӕгты рӕзтӕн.

РЦИ-Аланийы Сӕргълӕууӕджы

ӕмӕ Хицауады пресс-службӕ

ОСТАВЬТЕ ОТВЕТ

Please enter your comment!
Please enter your name here