Бедойты Аринӕ — Уӕрӕсейы чемпион

0
13

Цӕугӕдоны бӕлӕгътыл ерыс кӕныны спортӕй Уӕрӕсейы чемпионаты фесгуыхт Бедойты Аринӕ.

Ерыстӕ цыдысты Новгороды облӕсты, ӕмӕ уым Аринӕ, «сылгоймӕгты каяк» кӕй хонынц, уыцы ерысты йӕ разӕй никӕй ауагъта. Йӕхи равдыста тынг амалджын ӕмӕ физикон ӕгъдауӕй хорз цӕттӕйӕ.

Аринӕ доны слаломы спортмӕ ӕрбацыд 12-аздзыдӕй тренер Цхуырбаты Виктормӕ. Уый йӕ фӕцалх кодта ацы цымыдисаг спорты сусӕгдзинӕдтыл ӕмӕ, цас фылдӕр цыди ахуыртӕм, уый бӕрц тынгӕй-тынгдӕр уарзта доны йӕ бӕлӕгъыл кӕм уылӕнты сӕрты, кӕм цъилау ныззилгӕйӕ, нысанмӕ тырныныл. Аринӕ йӕхи равдыста курдиатджынӕй ӕмӕ ныр Уӕрӕсейы чемпионы ном кӕй хӕсдзӕн, уый у кады аккаг. Нӕ зӕрдӕ йын зӕгъы дунеон ӕмӕ ӕндӕр бӕрнон ерысты дӕр афтӕ ӕнтыстджынӕй архайын.

Баскаты Уырызмӕг

ОСТАВЬТЕ ОТВЕТ

Please enter your comment!
Please enter your name here