Битарты Вячеслав: «Ӕвзӕрстыты ӕппӕт мадзӕлттӕ дӕр — закъоны бындурыл»

0
70

Знон Цӕгат Ирыстоны Сӕргълӕууӕг  Битарты Вячеславӕн фембӕлд уыд Дзӕуджыхъӕуы бынӕттон хиуынаффӕйады администрацийы разамонӕг Ӕлбегаты Барисимӕ. Ныхасы рӕстӕг сӕйраг ӕргом аздӕхтӕуыд Хъӕлӕс кӕныны иумӕйаг бон — 8 сентябрмӕ цӕттӕдзинады фарстытӕм.

Зындгонд куыд у, афтӕмӕй уыцы бон ӕвзарӕн участоктӕм рацӕудзысты Цӕгат Ирыстоны цӕрджытӕ дӕр — уыцы бон адӕм хъӕлӕс кӕндзысты бынӕттон хиуынаффӕйады оргӕнтӕм кандидаттыл.

Ӕвзӕрстытӕм цӕттӕдзинадӕн хатдзӕгтӕ кӕнгӕйӕ, Битарты Вячеслав куыд фӕнысан кодта, афтӕмӕй «ӕвзӕрстыты ӕппӕт мадзӕлттӕ дӕр хъуамӕ арӕзт ӕрцӕуой закъоны бындурыл». Республикӕйы разамонӕг бӕлвырд амынддзинӕдтӕ радта, цӕмӕй бӕстон хъахъхъӕд цӕуой хъӕлӕс кӕныны участоктӕ ӕмӕ ӕвзарӕн къамисты иннӕ бӕстыхӕйттӕ. Уыимӕ, ӕнаиппӕй хъуамӕ ӕххӕстгонд цӕуой зынгсирвӕзтӕй ӕдасдзинады домӕнтӕ дӕр.

Ӕлбегаты Барис куыд радзырдта, афтӕмӕй муниципалитетты ‘рдыгӕй ӕвзӕрстыты ӕнӕкъуыхцы цыдӕн цы мадзӕлттӕ саразын хъуыд, уыдон афойнадыл ӕххӕстгонд ӕрцыдысты. Адӕм хъӕлӕс кӕм кӕндзысты, уыцы бынӕттӕ ифтонггонд цӕуынц видеоцӕстдарды системӕтӕй, стӕй архайд цӕуы ӕдасдзинады ӕндӕр мадзӕлттыл дӕр.

Горӕты администрацийы сӕргълӕууӕджы ныхасмӕ гӕсгӕ, ӕвзӕрстыты агъоммӕ ӕмӕ хъӕлӕс кӕныны бон ӕхсӕнадон фӕтк хъахъхъӕныны хъуыддаджы бӕрнон хӕстӕ лӕууы барадхъахъхъӕнӕг оргӕнты размӕ дӕр. Хъӕлӕс кӕныны боны агъоммӕ пъӕлицӕйы радгӕс къордтӕ сбӕрӕг кӕндзысты ӕвзарӕн участокты ӕдасдзинад, ӕвзӕрстыты бон — 8 сентябры та сӕ службӕйы хӕстӕ ӕххӕст кӕндзысты карздӕргонд фӕткмӕ гӕсгӕ.

Хъӕлӕс кӕныны иумӕйаг бонмӕ цӕттӕ кӕныны мадзӕлттӕ ацы бонты Дзӕуджыхъӕуӕй уӕлдай цӕуынц Дыгуры, Ӕрӕф ӕмӕ Мӕздӕджы районты дӕр. Алы ӕмвӕзады ӕвзӕрстыты адӕм схъӕлӕс кӕндзысты минӕварадон оргӕнты депутаттӕм ӕмӕ муниципалитетты сӕргълӕуджыты бынӕттӕм кандидаттыл.

Битарты Вячеслав ӕмӕ Ӕлбегаты Барис ӕркастысты ног ахуыры азы райдайӕнмӕ, стӕй зымӕгмӕ цӕттӕдзинады фарстытӕм дӕр.

РЦИ-Аланийы Сӕргълӕууӕджы

ӕмӕ Хицауады пресс-службӕ

ОСТАВЬТЕ ОТВЕТ

Please enter your comment!
Please enter your name here