Фӕллой ӕмӕ хъахъхъӕнынмӕ — цӕттӕ

0
16

Ацы азы кӕронмӕ Цӕгат Ирыстоны национ проект «Демографи»-йы программӕ «Спорт — царды фӕтк»-ы хардзӕй сараздзысты «Фӕллой ӕмӕ хъахъхъӕнынмӕ цӕттӕ уӕвыны»  нормӕтӕ дӕттынӕн фондз муниципалон центры.

— Нӕ зӕрды ис ацы азы кӕронмӕ  «Фӕллой ӕмӕ хъахъхъӕнынмӕ цӕттӕ уӕвыны» нормӕтӕ дӕттынӕн муниципалон центртӕ ӕрыдоны, Алагиры, Цыкола ӕмӕ Октябрыхъӕуы саразын ӕмӕ сӕ спортивон кусӕнгӕрзтӕй сифтонг кӕнын. Фӕндзӕм центрӕн та бынат агурӕм, — зӕгъы Цӕгат Ирыстоны физкультурӕ ӕмӕ спорты министры хӕдивӕг Гулчеты Валери.

Дугъгӕнӕн фӕндӕгтӕ ӕмӕ футболон фӕзтӕ кӕм сараздзысты, уыцы центрты сӕвӕрдзысты  хъӕугӕ тренажертӕ. Ацы хъуыддӕгтӕн радих кодтой 35 милуан сомӕй фылдӕр. Уымӕй уӕлдай ма Уӕрӕсейы иугонд командӕтӕн спортивон авналӕнтӕ кӕм цӕттӕ кӕнынц, уыцы  фараст спортскъолайӕн  балхӕндзысты ифтонггӕрзтӕ. Ацы хъуыддагӕн радих кӕндзысты 18 милуан сомы.  ӕмбӕлгӕ ифтонггӕрзтӕ райсдзысты Андиаты Сосланы номыл уӕгъдибар хъӕбысхӕсты олимпаг авналӕнты ӕмӕ уӕззау атлетикӕйӕ олимпаг  авналӕнты спортскъолатӕ, бӕхты республикон спортивон скъола, дзюдо ӕмӕ тхэквондойӕ олимпаг авналӕнты скъолатӕ, цыбыргонд гӕнӕнтимӕ адӕмы скъола «Стимул», боксы ӕмӕ фехтованийы скъолатӕ, стӕй Бӕройты Хасаны номыл грекъаг-ромаг хъӕбысхӕсты скъола.

2019-2024 азтӕн нымад национ проект «Демографи»-мӕ хауынц фондз федералон проекты «Сывӕллӕтты райгуырды рӕстӕг бинонтӕн ӕхцайӕ ӕххуыс», «Сылгоймагӕн куыст раттыны тыххӕй  ӕххуыс», «Хистӕр фӕлтӕр», «ӕхсӕнады ӕнӕниздзинад фидаркӕнынад» ӕмӕ «Спорт — царды фӕтк». Хӕстӕгдӕр ӕхсӕз азы иумӕйаг бюджет у 3,1 триллион сомы.

Нӕ уацхӕссӕг

ОСТАВЬТЕ ОТВЕТ

Please enter your comment!
Please enter your name here