Нуры

0
39

Рагзамантӕй фӕстӕмӕ нуры зындгонд у Зӕххы къорийы бирӕ адӕмтӕн. Хӕрынӕй уӕлдай ма дзы арӕхстджынӕй пайда кӕнынц низты ныхмӕ дӕр.

Ахуыргӕндтӕ куыд раиртӕстой, афтӕмӕй нурыйы цы хосгӕнӕн буаргъӕдтӕ ис, уыдон сафынц алыхуызон микробты, ахсӕны кӕлмыты. Нуры ныллӕгдӕр кӕны туджы ӕлхъывдад, хорз ӕххуыс у бронхит, астмӕ ӕмӕ рӕуджыты низтӕй дзӕбӕх кӕнынӕн.

Бактеритӕ кӕй мары, уымӕ гӕсгӕ дзы хос кӕнынц гриппы ныхмӕ. Хос ӕрцӕттӕ кӕнынӕн та бирӕ диссӕгтӕ нӕ хъӕуы. Ӕхсӕст нуры ныххойынц, ӕмӕ, касы хуызӕн куы свӕййы, уӕд дзы бӕмбӕджы мур атулынц, ӕмӕ йӕ фындзы хуынчъыты бавӕрынц.

Цӕмӕй дӕ сӕры рыст фӕкъаддӕр уа, стӕй хуыздӕр бафынӕй уай, уый тыххӕй  ӕгъгъӕд у нурыйы 2-3 дӕндаджы бахӕрын. Судзаг зайӕгойтӕй парахатӕй  пайда кӕнынц гинекологийы, стоматологийы ӕмӕ цармы низты ныхмӕ. Цӕмӕй дзыккутӕ ма ивзийой, уый тыххӕй нурыйы донӕй сӕрдын хъӕуы сӕры царм. Ахуыргӕндтӕ куыд дзурынц, афтӕмӕй нуры къаддӕр кӕны рӕсигӕ низты рӕзт.

Раст куы зӕгъӕм, уӕд иуӕй-иу адӕймӕгтӕ нурыйы тӕф нӕ уарзынц. Ӕмӕ, цӕмӕй тӕф ма кӕнай, уый тыххӕй иучысыл аууилын фӕхъӕуы басгӕрдӕджы уидаг кӕнӕ хъонтхора.

Нуры хӕрын нӕ бӕззы, уыргты низтӕ, ахсӕны, тъӕнгты хъӕдгӕмттӕ кӕмӕн ис, ахӕм адӕймӕгтӕн.

Беслехъоты Ирӕ,

дохтыр

ОСТАВЬТЕ ОТВЕТ

Please enter your comment!
Please enter your name here