Кӕрт аив кӕнынц

0
17

Политикон парти «Иугонд Уӕрӕсе»-йы проект «Горӕтаг уавӕртӕ»-мӕ гӕсгӕ Дзӕуджыхъӕуы бирӕфатерон хӕдзӕртты кӕртытӕ цӕуынц аивгонд.

Охотничий фӕрсуынджы 19 «а» ӕмӕ 19 «б» хӕдзӕртты кӕрты цалцӕггӕнӕн куыстытӕ куыд цӕуынц, уый сбӕрӕг кодтой горӕты администрацийы сӕргълӕууӕг ӕлбегаты Барис, Галиуфарсы префектурӕйы разамонӕг Таутиаты ӕхсар ӕмӕ администрацийы аивкӕнынады управленийы специалист Хъороты Давид.

Ныртӕккӕ фӕндагаразджытӕ кӕрт ӕмбӕрзынц асфальтӕй, ӕвӕрынц дзы бордюртӕ, стӕй хӕдтулгӕтӕн цӕттӕ кӕнынц лӕууӕн бынӕттӕ. Уымӕй уӕлдай ма дзы сӕвӕрдзысты нырыккон урнӕтӕ ӕмӕ фӕхсбандӕттӕ, стӕй дзы бафидар кӕндзысты рухсдӕттӕг цырӕгътӕ.

— Нӕ зӕрды ис  кӕрты аивгӕнӕн куыстытӕ мӕйы кӕронмӕ фӕуын. Аразджытӕ  кусынц хъазуатонӕй. Бынӕттон цӕрджыты фӕндӕттӕ нымайӕм. Сӕйраг ӕргом здахӕм цалцӕггӕнӕн куыстыты хӕрзхъӕддзинадмӕ, — зӕгъы ӕлбеджы-фырт.

Ацы проектмӕ гӕсгӕ ма аивгонд ӕрцӕудзысты Дзӕуджыхъӕуы бирӕфатерон хӕдзӕртты 43 кӕрты ӕмӕ 12 ӕхсӕнадон тӕлмы.

Дзӕуджыхъӕуы администрацийы пресс-службӕ

ОСТАВЬТЕ ОТВЕТ

Please enter your comment!
Please enter your name here