РЦИ-Аланийы Конституцимӕ ивддзинӕдтӕ бахӕссыны хъӕппӕристӕ

0
20

Цӕгат Ирыстоны Сӕргълӕууӕг Битарты Вячеслав дзы сӕрдариуӕг кодта, афтӕмӕй знон уыд РЦИ-Аланийы Конституци федералон закъонты бындурыл рацаразыны фарстыты фӕдыл къамисы ӕмбырд.

Боны фӕткы фарстыты ныхасы архайдтой РЦИ-Аланийы Парламенты Сӕрдар Алексей Мачнев, республикӕйы Парламенты закъонӕвӕрынады, закъонад ӕмӕ бынӕттон хиуынаффӕйады комитеты сӕрдар Ортабайты Тимур, Цӕгат Ирыстоны Конституцион тӕрхондоны сӕрдар Къесаты Станислав, РЦИ-Аланийы Сӕргълӕууӕджы ӕмӕ Хицауады Администрацийы разамонӕг Челӕхсаты Рустем, республикӕйы прокуроры хӕстӕ ӕххӕстгӕнӕг Черчесты Аслан, республикӕйы Сӕргълӕууӕджы ӕмӕ Хицауады Администрацийы разамонӕджы фыццаг хӕдивӕг Ортабайты Виктор, РЦИ-Аланийы Хицауады ӕххӕстбарджын минӕвар республикӕйы Парламенты Плиты Маринӕ ӕмӕ Цӕгат Ирыстоны Муниципалон иугӕндты советы сӕрдар Нӕкуысаты Барис.

Къамисы уӕнгтӕ ӕрдзырдтой республикӕйы сӕйраг закъонмӕ ивддзинӕдтӕ бахӕссыны фӕдыл хъӕппӕристыл.

Амӕй размӕ РЦИ-Аланийы Конституцион тӕрхондон республикон закъонӕвӕрынад фӕбӕстондӕр кӕныны нысанимӕ бацӕттӕ кодта Цӕгат Ирыстоны Конституцимӕ ивддзинӕдтӕ бахӕссыны тыххӕй закъоны проект. Ныр къамисы уӕнгтӕ уыцы закъоны проектыл ныхас адарддӕр кодтой.

Ацы аз майы уыд конституцион къамисы фыццаг ӕмбырд. Уӕд къамисы уӕнгтӕ сӕрмагонд кусӕг къордты уӕнгтӕн бахӕс кодтой уӕлдӕр амынд закъоны проекты уагӕвӕрдтӕн барадон аргъ скӕнын. Уыцы кусӕг къордтӕ цы хатдзӕгтӕм ӕрцыдысты, уыдон ныр бахыгътой къамисы иумӕйаг ӕмбырды.

Закъоны проектмӕ иуӕй-иу ивддзинӕдтӕ бахӕсгӕйӕ, ӕмбырды архайджытӕ РЦИ-Аланийы Конституцион тӕрхондонмӕ бахатыдысты, цӕмӕй закъоны проект сфидар кӕныны нысанимӕ ӕрвыст ӕрцӕуа республикӕйы Парламентмӕ.

ОСТАВЬТЕ ОТВЕТ

Please enter your comment!
Please enter your name here