Зӕрдылдаринаг граждӕнтӕн 

0
11

Дызӕрдыггаг дзаума ссаргӕйӕ, гӕнӕн ис, ӕмӕ уый разына рӕмудзӕн ӕрмӕг.

Фӕстаг рӕстӕг сарӕх сты, рӕмудзӕн ӕрмӕг разыныны гӕнӕн кӕмӕн ис, ахӕм дзаума ссарыны цаутӕ.

Ахӕм дзаума ссарынц транспорты, асинты фӕзуӕтты, фатерты дуӕртты цур, ӕхсӕнадон бынӕттӕ ӕмӕ уагдӕтты. Куыд дарын хъӕуы хи уыдон ссаргӕйӕ? Куыд архайын хъӕуы? Цы дзаума бафиппайат, уый уыцы бынаты, кӕнӕ уыцы рӕстӕг кӕд хъуамӕ уым ма уыдаид, уӕд ӕй ма ныууадзут ӕнӕрхъуыдыйӕ. Ӕхсӕнадон транспорты ферохгонд, кӕнӕ ӕнӕхицау дзаума бафиппайдтат, уӕд бафӕрсут уӕ алыварс адӕмы. Бацархайут, кӕй у, кӕнӕ йӕ чи ныууагъта, уый сбӕрӕг кӕныныл. Йӕ хицау куы нӕ рабӕрӕг уа, уӕд ӕвӕстиатӕй фехъусын кӕнут шофырӕн. Уӕ хӕдзары бацӕуӕны куы бафиппайат дызӕрдыггаг дзаума, уӕд бафӕрсут сыхӕгты, гӕнӕн ис, ӕмӕ уыдонӕй искӕй у. Йӕ хицау куынӕ сбӕрӕг уа, уӕд ӕвӕстиатӕй фехъусын кӕнут уӕ пъӕлицӕйы хайадмӕ.

Дызӕрдыггаг дзаума уагдоны куы бафиппайат, уӕд ӕнӕмӕнг фехъусын кӕнут администраци кӕнӕ хъахъхъӕнджытӕн.

Кӕй ранымадтам, уыцы цауты рӕстӕг:

— хӕстӕг ма цӕут бафиппайд дзаумамӕ;

— ма йӕм ӕвналут, ма йӕ гом кӕнут, ма йӕ змӕлын кӕнут;

— сӕдас  ӕй кӕныны охыл ӕм ӕнӕзонгӕ адӕймӕгты ма уадзут ӕвналын;

— бацархайут ууыл, цӕмӕй адӕм дарддӕр ацӕуой тӕссаг ссарӕггагӕй;

— ссарӕггаг кӕд бафиппайдтат, уыцы рӕстӕг фӕбӕрӕг кӕнут;

— ӕнӕмӕнг банхъӕлмӕ кӕсут оперативон слестгӕнӕг къорды ӕрбацыдмӕ;

— ӕппӕты ахсджиагдӕр цӕстӕй фенӕг кӕй стут, уый уӕ рох ма уӕд.

Уӕ зӕрдыл дарут, дзаумайы ӕддаг бакасты ӕмбӕхст кӕй вӕййы йӕ ӕцӕг нысаниуӕг.

Рӕмудзӕн ӕрмӕджытӕ ӕмбӕхст вӕййынц хызынтӕ, тыхтонтӕ, хъазӕнтӕ ӕмӕ ӕндӕр ахӕм агъудты. Уый бамбарын кӕнут уӕ сабитӕ, уӕ хӕстӕджытӕ ӕмӕ уӕ зонгӕтӕн.

Уазал цӕстӕнгас ма дарут ахӕм цаутӕм, уӕ афойнадыл архайдӕй не ‘руадздзыстут террористон акт ӕмӕ бахъахъхъӕндзыстут уӕ алыварс адӕймӕгты.

Ноджы ма уын иу хатт уӕ зӕрдыл лӕууын кӕнӕм:

Цы дызӕрдыггаг дзаумӕттӕ бафиппайат, уыдон, гӕнӕн ис, ӕмӕ уой рӕмудзӕн ӕрмӕджытӕ, се срӕмыгъдӕй та ӕрцӕудзӕн стыр ӕмӕ бирӕ фыдбылызтӕ, уымӕ гӕсгӕ семӕ хӕдбарӕй ма архайут!

РЦИ-Аланийы Антитеррористон къамисы аппарат

ОСТАВЬТЕ ОТВЕТ

Please enter your comment!
Please enter your name here