Райдайгӕ амалхъомтӕн — гранттӕ

0
11

РЦИ-Аланийы Экономикон рӕзты министрады уыд райдайгӕ амалхъомтӕн сӕрмагонд гранттӕ дӕттыны фарстыты фӕдыл къамисы ӕмбырд.

Министрады пресс-службӕйы минӕвар куыд радзырдта, афтӕмӕй гранттӕ райсыны фӕдыл министрадмӕ куырдиӕттӕ ӕрбалӕвӕрдтой 40 адӕймаджы. Уыдон къамисы уӕнгты размӕ бавдыстой сӕ амалхъомадон проекттӕ. Ныр цалдӕр боны ӕмгъуыдмӕ къамис сбӕрӕг кӕндзӕн, ацы аз гранттӕ чи райсдзӕн, уыцы амалхъомты номхыгъд.

Министрады хайады хицау Цӕболты Отар куыд радзырдта, афтӕмӕй фыццаградон ӕргом здӕхт ӕрцыд хъӕууон хӕдзарады, адӕмон-аивадон промыслӕты, туризмы ӕмӕ иннӕ къабӕзты райрӕзтӕн ахъазгӕнӕг проекттӕм.

Зындгонд куыд у, афтӕмӕй райдайгӕ амалхъомтӕн сӕрмагонд гранттӕ дӕттыны программӕ ӕххӕстгонд цӕуы фӕстаг ӕртӕ азы дӕргъы. Ӕмӕ азӕй-азмӕ фылдӕр кӕны, конкурсмӕ йӕ проекттӕ чи ӕрбадӕтты, уыцы амалхъомты нымӕц. Зӕгъӕм, 2017 азы куырдиӕттӕ ӕрбалӕвӕрдтой 20 амалхъомы, фарон — 30, ацы аз та — 40 адӕймагӕй фылдӕр.

Нӕ уацхӕссӕг

ОСТАВЬТЕ ОТВЕТ

Please enter your comment!
Please enter your name here