Цӕмӕй сывӕллӕттӕ техникӕмӕ ӕмхиц уой

0
20

Тагъд рӕстӕджы Цӕгат Ирыстоны скъоладзаутӕн уыдзӕн техникон ӕмӕ ӕндӕр инженерон зонындзинӕдтӕ райсыны фадат — уыдон сын амондзысты сӕрмагонд ахуырадон къордты разамонджытӕ.

Уый тыххӕй фехъусын кодта РЦИ-Аланийы Ахуырад ӕмӕ наукӕйы министрады пресс-службӕ.

Пресс-службӕйы минӕвары ныхасмӕ гӕсгӕ, фыццаградон национ проект «Ахуырад»-ы фӕлгӕты республикӕйы бирӕ алыхуызон мадзӕлттӕ ӕххӕстгонд цӕуы. Уыдонӕй иу суыдзӕн техникон ӕмӕ инженерон зонындзинӕдты къордтӕ байгом кӕныны хъуыддаг дӕр.

«Фӕстаг рӕстӕг фарст афтӕ ӕвӕрд цӕуы, цӕмӕй сывӕллӕттӕн арфдӕр зонындзинӕдтӕ лӕвӕрд цӕуа инженерон-техникон къабазы,     фылдӕр ӕмхиц уой техникон сфӕлдыстадмӕ. Уыцы нысанӕн цы мадзӕлттӕ фӕахъаз уыдзысты, уыдонӕй иу у техникон сфӕлдыстады къордтӕ байгом кӕныны хъуыддаг», — загъта республикӕйы ахуырад ӕмӕ наукӕйы министр Людмилӕ Башарина.

Министр куыд фӕбӕрӕг кодта, афтӕмӕй ныридӕгӕн сбӕлвырд кодтой, ахӕм къордтӕ  кӕм байгом уыдзысты, уыцы хъомыладон ӕмӕ ахуырадон кусӕндӕтты номхыгъд. Зӕгъӕм, Алагиры, ӕрыдоны, Мӕздӕджы, Елхоты, Октябрыхъӕуы сывӕллӕтты сфӕлдыстадон хӕдзӕртты, Беслӕны ӕвзонг техникты станцӕйы, Дигорайы 3-ӕм, Цыколайы 1-ӕм, Камбилеевкӕйы хъӕуы 1-ӕм скъолаты, стӕй Дзӕуджыхъӕуы цалдӕр рӕвдауӕндоны.

Техникон сфӕлдыстады къордтӕн разамынд дӕтдзысты уӕлӕмхасӕн ахуырады специалисттӕ, уыимӕ уыдонӕн рагагъоммӕ сараздзысты профессион дӕсныдзинад бӕрзонддӕр кӕныны курсытӕ.

Нӕ уацхӕссӕг

ОСТАВЬТЕ ОТВЕТ

Please enter your comment!
Please enter your name here