Ахуырад: егъау хӕстӕ

0
37

Цӕгат Ирыстоны 11 ахуырадон кусӕнуаты сараздзысты мультипликацион, кино ӕмӕ къамисӕн студитӕ. Уый тыххӕй фехъусын кодта республикӕйы ахуырад ӕмӕ наукӕйы министр Людмилӕ Башарина. Уыцы студитӕ арӕзт ӕрцӕудзысты нацпроект «Ахуырад»-ы федералон проект «Алы сывӕллоны ӕнтыст»-ы фӕлгӕты.

Ӕдӕппӕтӕй байгом кӕндзысты 11 студийы Хъӕбӕлоты Билары номыл сывӕллӕтты сфӕлдыстадон галуаны, Алагиры, ӕрыдоны, Мӕздӕджы, Елхоты ӕмӕ  Октябрыхъӕуы сывӕллӕтты сфӕлдыстадон хӕдзӕртты, стӕй Беслӕны ӕвзонг техникты станцӕйы, Дзӕуджыхъӕуы центр «Нарт»-ы, гимназ «Диалог»-ы, Дигорайы ӕртыккӕгӕм  ӕмӕ Цыколайы фыццӕгӕм скъолаты.

Студитӕ сифтонг кӕндзысты нымӕцон къамисӕнтӕ, панорамон камерӕтӕ, квадрокоптертӕ, акустикӕйы системӕтӕ ӕмӕ микрофонтӕй. Дзӕуджыхъӕуы,  Беслӕны ӕмӕ Мӕздӕджы сараздзысты ӕртӕ картинг-къорды.

«Мах нӕ размӕ сӕвӕрдтам егъау хӕстӕ — хъуамӕ ацы азы кӕронмӕ 25 мин бынаты скӕнӕм уӕлӕмхасӕн ахуырадӕн», — зӕгъы Людмилӕ Башарина.

Нацпроект аххӕсдзӕн 2019 азӕй 2024 азмӕ. Йӕ иумӕйаг бюджет уыдзӕн 784,5 миллиард сомы. Куыд пълан кӕнынц, уымӕ гӕсгӕ Уӕрӕсейы ахуырад йӕ хӕрзхъӕддзинадмӕ гӕсгӕ  хаст ӕрцӕудзӕн раззагдӕр дӕс бӕстӕйы номхыгъдмӕ.

Гӕлӕуты Наталья

ОСТАВЬТЕ ОТВЕТ

Please enter your comment!
Please enter your name here