Фидаргонд ӕрцыд 2030 азы онг РЦИ-Аланийы социалон-экономикон рӕзты стратеги

0
60

Цӕгат Ирыстоны Парламент 12 сентябры йӕ радон ӕмбырды сфидар кодта 2030 азы онг РЦИ-Аланийы социалон-экономикон рӕзты стратегийы тыххӕй закъон.

Зындгонд куыд у, афтӕмӕй ацы ахсджиаг документыл бӕстон куыст цыд фӕстаг ӕртӕ азы дӕргъы. Цӕгат Ирыстоны Экономикон рӕзты министрад ӕмӕ ӕндӕр ведомствӕты минӕвӕрттӕ кӕй бацӕттӕ кодтой, уыцы стратегийы уагӕвӕрдты фӕдыл арӕзт ӕрцыдысты дзыллон ӕхсӕнадон быцӕу ныхӕстӕ дӕр. Экономисттӕ, финансисттӕ, куыстад ӕмӕ амалхъомады раздзогтӕ, стӕй ӕхсӕнады минӕвӕрттӕ документы фӕдыл сӕ хъуыдытӕ ӕмӕ сӕ фиппаинӕгтӕ загътой, бахастой бӕлвырд фӕндӕттӕ. Афтӕмӕй цӕттӕгонд ӕрцыд стратегийы кӕронбӕттӕн проект.

Ӕмӕ йӕ ныр республикӕйы закъонӕвӕрынадон оргӕн сфидар кодта.

Документы куыд загъд ис, афтӕмӕй йӕ сӕйраг нысантӕ сты регионы хъомысджын райрӕзт, экономикӕйы ерысхъомдзинад бӕрзонддӕр кӕнын, социалон къабазы нывылдзинадӕн уӕлӕмхасӕн мадзӕлттӕ аразын, республикӕйы адӕмы цард хуыздӕр кӕнын.

Стратегийы бӕлвырд бӕрӕггонд ӕрцыдысты фидӕны райрӕзты проекттӕ ӕмӕ гуырӕнтӕ, сӕйраг ӕргом дзы здӕхт цӕуы промышленносты, хъӕууон хӕдзарады, амалхъомады, нымӕцон технологиты, ӕнӕниздзинад хъахъхъӕнынады, ахуырады, культурӕйы, социалон ӕфсисад ӕмӕ иннӕ къабӕзтӕн.

Стратегийы уагӕвӕрдтыл куыстмӕ се ‘ргом аздӕхтой дунеон консорциум «Леонтьевский центр»-ы специалисттӕ дӕр.

Республикон стратегийы уагӕвӕрдтӕ ӕххӕст кӕныныл комкоммӕ бӕрнон уыдзӕн РЦИ-Аланийы Рӕзты агентад.

ОСТАВЬТЕ ОТВЕТ

Please enter your comment!
Please enter your name here