Гуырдзиӕгты архайд арӕнмӕ ‘ввахс бынӕтты уавӕрыл хуыздӕрӕрдӕм нӕ ахады

0
83

Хуссар Ирыстонимӕ паддзахадон арӕнмӕ ‘ввахс бынӕтты гуырдзиӕгтӕ зынгӕ фӕфылдӕр кодтой сӕ пъӕлицӕйӕгты нымӕц, стӕй дарддӕрдӕр аразынц ног блокпосттӕ.

Уый тыххӕй фехъусын кодта Хуссар Ирыстоны Паддзахадон ӕдасдзинады комитеты пресс-службӕ.

Комитеты минӕвар куыд радзырдта, афтӕмӕй республикӕйы арӕнмӕ ‘ввахс бынӕтты Гуырдзыстоны Мидхъуыддӕгты министрады дӕлхайӕдтӕ фылдӕрӕй-фылдӕр кӕнынц.

«Зӕгъӕм, Цхинвалы районы Громы хъӕумӕ хӕстӕг бынаты гуырдзиаг пъӕлицӕйӕгтӕ ӕрӕвӕрдтой цӕстдарӕн пункт, стӕй райдыдтой блокпост ӕрӕвӕрынмӕ цӕттӕгӕнӕн куыстытӕ. Афтӕ, Цхинвалы районы Арцъеуы хъӕумӕ ‘ввахс Гуры муниципалитеты хъӕу Адзвийы хъӕуы пъӕлицӕйӕгты нымӕц 40 адӕймаджы онг фӕфылдӕр кодтой. Уыимӕ, уыцы постыл ӕрӕвӕрдтой бронетранспортер», — загъта Паддзахадон ӕдасдзинады комитеты пресс-службӕйы минӕвар.

Уымӕй уӕлдай, гуырдзиаг барадхъахъхъӕнӕг оргӕнты тыхтӕ фӕфылдӕр кодтой Гуры муниципалитеты иннӕ хъӕуты дӕр. Арӕнмӕ ‘ввахс гуырдзиаг хъӕу Хурвалетийы фарсмӕ дӕр аразын райдыдтой пъӕлицӕйы блокпост.

ОСТАВЬТЕ ОТВЕТ

Please enter your comment!
Please enter your name here